×

Usamos cookies propios e de terceiros para mellorar os nosos servizos. Se continúa a navegar, consideramos que aceptar o seu uso. Pode obter máis información aquí.

Loading

A innovación está ligada a tódolos niveis da pirámide de competitividade e pódese aplicar en calquera deles. Por iso, o Impulso da I+D+i e reforzo da capacidade innovadora estableceuse coma eixe primeiro do Plan Estratéxico do Clúster Alimentario de Galicia, asociado a dous obxectivos estratéxicos:

O1. Desenvolver a cultura da innovación e favorecer a difusión e aplicación do coñecemento no sector alimentario galego, mediante a cooperación entre empresas e centros de investigación e tecnolóxicos.

O2. Impulsar a creación de valor na cadea alimentaria de Galicia, a través do desenvolvemento de novos produtos e/ou procesos e a aposta pola seguridade e calidade dos alimentos.

As medidas de actuación, ademais do desenvolvemento de servizos de apoio á innovación e da promoción da cultura de cooperación entre empresas e centros tecnolóxicos e de investigación, definen tres ámbitos de actuación:

  • Alimentos innovadores, seguros e saudables, adaptados ás tendencias do consumo
  • Novos procesos e tecnoloxías no sector alimentario integrados na bioeconomía
  • Sistemas intelixentes de xestión e novos modelos de comercialización máis flexibles

A dinamización de proxectos nestes ámbitos é o obxectivo de actuación da unidade de intelixencia tecnolóxica e competitiva do cluster (unitec).