FEIRACO premiada pola súa Responsabilidade Social Corporativa
1 Feb 2011
A iniciativa Responsabilidade Social Empresarial (RSE) parte dun proxecto orixinal executado entre 2004 e 2007, entre Cooperativas Agrolimentarias de Murcia, Euskadi, Andalucía, Galicia e Comunidade Valenciana. Valorando os resultados obtidos coma altamente positivos en beneficio da contorna social, económico, ambiental e de acción social, viuse efectivo dar continuidade ao labor realizado neste terreo. A fórmula cooperativa axuda a evitar o despoboamento no medio rural, mantendo e creando postos de traballo nas zonas nas que se sitúan, contribuíndo á sustentabilidade da contorna e ao desenvolvemento rural, potenciando todas e cada unha das vertentes da RSE: económica, social e ambiental.
Feiraco asume a responsabilidade como un valor propio, sabendo que é o único camiño cara á sustentabilidade. É a primeira empresa española certificada por AENOR coa "Letra Q" de Trazabilidad, recibiu pola fundación Másfamilia o certificado EFR (Empresa Familiarmente Responsable) e dispón do distintivo "Igualdade na Empresa" concedido polo Ministerio de Sanidade, Política Social e Igualdade.
