O Clúster participou no Salón Galego da Gastronomía e Turismo 2012
Stand do Clúster Alimentario de Galicia
5 Feb 2012
Convidado pola organización, o Clúster Alimentario de Galicia dispuxo dun stand informativo no salón Galego da Gastronomía e Turismo, celebrado en Expourense entre o 1 e o 5 de febreiro, no que se achegou información aos consumidores sobre os produtos das empresas do Clúster.
O salón pechou esta tarde as súas portas logo de cinco xornadas de intensa actividade, durante as cales contabilizáronse máis de 20.000 visitas. Ademais, máis de 200 actividades do programa, foron seguidas por máis de 6.000 participantes. Este programa incluiu exhibicións de cociña en directo, máis de 30, impartidas por algúns dos mellores cociñeiros galegos e das rexións convidadas. Outra das actividades que espertaron interese foron as máis de 25 catas comentadas de produtos como o viño, o queixo, o mel, ou aceite.
Por outra banda destaca a presenza de 133 expositores desta edición que mostraron os seus produtos e servizos, relacionados coa gastronomía e o turismo de diversas rexións de España e Portugal.
