Clúster Alimentario de Galicia

25 Abr 2012 - Innova

En declaracións á prensa asistente á conferencia do Anuga FoodTec, o Vicepresidente Executivo de Tetra Pak, Michael Grosse, falou en detalle sobre algúns dos principais lanzamentos de produtos, nos que Tetra Pak se está centrando para o período 2012/13.

Comentou o lonxe que chegaron desde os seus inicios, nos anos 50, cando só tiñan un tipo de embalaxe, até agora que producen 170 billóns de paquetes ao ano, en 170 países de todo o mundo. Tetra Pak ofrece miles de variedades diferentes de envases, para distintos mercados e categorías de produtos.

Un dos produtos que tivo máis éxito, basándose no éxito do seu Tetra Brik Aseptic 1000 ml, foron os novos envases Tetra Brik Aseptic 200 ml e 250 ml os cales están deseñados para o consumo rápido. Cunha tapa de gran pendente e o contorno dos seus laterais, a compañía cre que estes "Novos Tetra Briks" poden ofrecer oportunidades adicionais aos seus clientes e mellorar o manexo dos consumidores. Ademais ten beneficios de loxística dado que a súa forma permite aproveitar até o 99% dun pallet reducindo os custos de distribución e as emisións de dióxido de carbono asociadas ao transporte.

Pero a innovación mais prominente foi a Tetra Pak A3/Compact Flexi Line, unha liña de produción que permite producir catro tipos de envases, de diferentes formas e tamaños, o que permite aos clientes innovar rapidamente para responder ás necesidades do mercado.

Ademais deses produtos, tamén presentaron o Tetra Rex Pearl. Trátase dun novo envase deseñado para leite e zumes Premium para o 2013. A súa aparencia afástase das formas tradicionalmente asociadas aos envases de cartón para achegarse a unhas formas máis curvilíneas. A ausencia dunha liña de pliegue horizontal crea un panel frontal de gran tamaño que non só permite novas posibilidades de posicionamento de marca, senón que tamén é un espazo para situar un amplo e rechamante sistema de peche. Para isto, Tetra Rex Pearl tamén conta co tapón TwistCap OSO 34 (sistema de apertura nun só paso) cunha ampla apertura que se pode aplicar nun envase Tetra Rex estándar (70x70). Este sistema de cerre permite aos consumidores verter o produto facilmente e logo pechar o envase de forma segura.

Outra das innovacións responde a demanda dos consumidores sobre produtos para o coidado da saúde e o medio ambiente. En base a isto están deseñando novos produtos que contribúan a unha menor emisión de CO2. A súa filosofía é facer máis con menos. Tetra Pak afirma que sobre o 70% dos seus produtos se basan en papel, por iso foi importante para eles asegurarse de que os seus produtos básicos sexan de base reciclable, co fin de que se vexa que fan un esforzo de cara á sustentabilidade.

Tras o éxito do lanzamento de Tetra Evero Aseptic, o primeiro envase de cartón con forma de botella para leite, Tetra Pak dará un paso máis aló na sustentabilidade do seu envase co desenvolvemento dunha versión coa parte superior separable. Dispoñible a partir do próximo ano, o Tetra Evero Aseptic 'separable' ten unha perforación no cartón que permite separar a parte superior de polietileno da parte inferior de cartón, proporcionando un mellor perfil ambiental ao facer máis fácil aos consumidores separar a parte superior e reciclala de forma independente.

Sen custo adicional, o envase axudará aos clientes a reforzar a súa imaxe de marca e o perfil ambiental nun mercado altamente competitivo, atendendo ás demandas dos consumidores que esixen mellores solucións para facilitar a reciclaxe. O obxectivo da empresa é tratar de lograr unha taxa de reciclaxe do 40% para o 2020, máis do dobre da cantidade de reciclaxe que fan na actualidade.

A outra área clave da compañía centrouse na evolución da seguridade alimentaria e a hixiene, esta preocupación atópase detrás da súa nova gama de programas de cerre. Para iso desenvolveron uns aneis de proba, co fin de manipular esta nova característica estándar en todos os peches da empresa. Ademais, o seu obxectivo é ofrecer as súas novas opcións de trazabilidade, por se existe algún problema co produto, coñecer a orixe real do devandito problema.

En base a isto último, a compañía referiuse ao seu novo sistema de interfaz gráfica de usuario. Isto permite ás persoas con pouca experiencia realizar funcións complexas e controis de seguridade de forma remota. Afirmaron que se tarataba dunha aplicación moi intuitiva. A innovación clave desta nova interfaz é que se pode instalar en dispositivos portátiles, tales como teléfonos intelixentes ou dispositivos tipo tableta. Isto permite o control remoto das funcións chave no proceso de produción. A compañía di que esta interfaz optimizada pode permitir un uso máis rápido e intuitivo para o control da calidade nunha liña de produción.

Iste artigo é un extracto do informe de innova sobre Alimentaria 2012. Pode descargarse o informe completo da sección privada da web en Observatorio.