Clúster Alimentario de Galicia

Organización líder do sector dos alimentos e bebidas en Galicia

O sector alimentario é un dos sectores estratéxicos en Galicia tanto pola súa dimensión, como pola súa transcendencia económica e social. Neste ámbito comeza a súa andaina o Clúster Alimentario de Galicia, coa pretensión de artellar unha estrutura organizada, no sector alimentario, en senso amplo, integrando ás empresas, así como ás entidades de investigación e innovación e outras organizacións, en procesos de cooperación que permitan obter beneficios derivados da aplicación de accións e proxectos colaborativos e acadar unha masa crítica que permita fortalecer a competitividade internacional e a visibilidade do sector. 

Por isto o papel do Clúster é observar o panorama xeral, analizar os mercados, anticipar tendencias e establecer prioridades e estratexias de posicionamento no mercado; Impulsar a cooperación, con acordos, redes e alianzas comerciais entre as empresas e proxectos conxuntos con outros axentes. Ademais de construír o valor intanxible dunha marca, asociada a Galicia, que sexa recoñecida e valorada internacionalmente como de excelencia en alimentos e bebidas.