Información xeral
Como órgano de goberno das cooperativas, os Consellos Reitores enfróntanse á tarefa e á responsabilidade de impulsar o desenvolvemento da cooperativa e a súa competitividade, adoptando unha visión a longo prazo e unha estratexia baseada en principios de xestión empresarial.
Para iso, é fundamental que os membros dos devanditos Consellos Reitores, representantes dos socios da cooperativa, dispoñan da formación necesaria para comprender axeitadamente os retos competitivos, delimitar as responsabilidades do Consello Reitor e o papel que debe desempeñar para desenvolver con eficacia a súa función de goberno.
Froito do seu coñecemento da realidade do sector agroalimentario, Clusaga e San Telmo Business School, co patrocinio de Caixa Rural Galega e a colaboración de AGACA, identificaron a necesidade de impulsar a mellora dos Consellos Reitores das cooperativas agroalimentarias como requisito para o éxito nun contorno cada vez máis cambiante e competitivo.
Estrutura do programa
- Comprender os retos de negocio da cooperativa, máis alá da produción.
- Desenvolver unha cultura e unha visión a longo prazo.
- Coñecer os criterios e conceptos económicos e financeiros necesarios para tomar decisións como conselleiro.
- Exercer o papel do Consello Reitor como órgano de goberno da cooperativa.
- Potenciar e diferenciar as súas tarefas respecto dos órganos de xestión.
A quen vai dirixido?
- Membros do Consello Reitor de cooperativas agroalimentarias.
- Cooperativas de todos os elos da cadea agroalimentaria (agrícola, gandeira, subministracións, industria, distribución e servizos).
- Recomendamos a asistencia de varios conselleiros por cada cooperativa. Favorece o desenvolvemento dunha visión común que facilita a mellora da cooperativa.
Programa
Día 1 - 28 de outubro
Duración do módulo: 1 xornada
Día 2 - 4 de novembro
Duración do módulo: 1 xornada
Día 3 - 11 de novembro
Duración do módulo: 1 xornada
Día 4 - 18 de novembro
Duración do módulo: 1 xornada
Método de formación
Ao longo do programa traballarase sobre situacións reais de empresa mediante o Método do Caso, metodoloxía distintiva de San Telmo Business School, favorecendo a análise, o debate e o intercambio de experiencias entre profesionais do sector agroalimentario.
Facultade
San Telmo Business School
Con máis de 40 anos de traxectoria, é unha referencia nacional no sector agroalimentario e formou a máis de 3.000 profesionais, entre conselleiros e xerentes de cooperativas. O seu enfoque diferencial abrangue toda a cadea agroalimentaria, desde a semente ata o prato, analizando os retos e as problemáticas que afectan ao conxunto do sector. Ademais, conta cun claustro de profesorado de recoñecido prestixio, cunha ampla experiencia tanto docente como directiva no ámbito agroalimentario.
Data
28 de outubro a 18 de novembro
Horario
9:30h-19:30h
Modalidade
Presencial
Lugar
Hotel OCA Puerta del Camino (Santiago de Compostela)
Prezo
1800€
