Información xeral
O marketing no sector alimentario require unha visión estratéxica e unha planificación estruturada para garantir o éxito no mercado. Neste curso, os participantes adquirirán coñecementos clave sobre os principios do marketing e as súas aplicacións prácticas, desde a análise da contorna ata a definición dunha proposta de valor diferenciada. A formación combinará unha perspectiva estratéxica con ferramentas operativas para facilitar a toma de decisións en ámbitos como o posicionamento, a comunicación e a comercialización de produtos alimentarios.
Estrutura do programa
- Comprender os principios fundamentais do marketing estratéxico e a súa aplicación no sector alimentario.
- Analizar a contorna competitiva e os factores externos que inflúen na estratexia de marketing.
- Coñecer e aplicar as ferramentas do marketing mix para o posicionamento, promoción e distribución de produtos alimentarios.
- Desenvolver unha proposta de valor diferenciada, adaptada ás necesidades do cliente e á demanda do mercado.
A quen vai dirixido?
- Responsables de marketing, comunicación ou desenvolvemento de negocio en empresas do sector alimentario
- Empresarios e profesionais do sector agroalimentario que desexen mellorar a comercialización dos seus produtos
- Emprendedores e start-ups alimentarias interesados en definir unha estratexia de mercado eficaz
Programa
Módulo 1. Que queremos facer? Situémonos! Marketing estratéxico
Duración do módulo: 1 xornada (27/03)
- Que é o marketing e a súa importancia na empresa
- O cliente no centro da toma de decisións.
- O plan de marketing: estructura e planificación
- Posicionamento estratéxico
- Ventaxas competitivas
Módulo 2. A análise da contorna como base para definir unha boa estratexia
Duración do módulo: 1 xornada (3/04)
- Factores externos (PESTEL)
- Contorna competitiva
- Dimensionamento do mercado
- Elaborando un DAFO
Módulo 3. Deseñando o produto: encaixe entre as necesidades do cliente e a nosa oferta
Duración do módulo: 1 xornada (24/04)
- A demanda: análise das necesidades do cliente
- A oferta: proposta de valor
- O encaixe da proposta de valor como factor diferencial
Módulo 4. Marketing mix no sector alimentario
Duración do módulo: 2 xornadas (8/05 y 15/05)
- A mensaxe: misión, visión e valores
- Prezo, posicionamento e distribución (placement)
- Marxes por canle
- Fidelización
- A importancia das relacións e a interacción coa sociedade Promoción e comunicación offline
Módulo Online. Procedemento de acreditación de competencias
Duración do módulo: Online
- Información das características do procedemento de acreditación de competencias
- Que teño que facer?
- Que podo acreditar?
- Que vantaxes me aporta a acreditación?
- Cumpro os requisitos xerais?
- Cal é a súa experiencia laboral e formación?
- Participar no procedemento
- Prazos e fases para inscribirse no proceso de acreditación
- Documentación necesaria e taxas de exame
- Avaliación
- Acreditación
Método de formación
A formación desenvolverase a través dunha metodoloxía dinámica e aplicada, combinando exposicións teóricas con casos prácticos, exercicios de análise e debates participativos. Os asistentes poderán coñecer exemplos reais e traballar con ferramentas adaptadas á realidade do sector alimentario.
Facultade
Xosé Luis Reza
Presidente do Clúster do Ecommerce Galego
Beatriz Pereira
CEO de Iuni Strategic Marketers
José Manuel Suárez
Socio Director de Iuni Strategic Marketers
Data
27 de marzo a 15 de maio
Horario
9.00 - 15.00
Modalidade
Presencial
Lugar
Santiago de Compostela
Prezo
Gratis
Bonificación
Curso gratuíto financiado ao 100% polo Ministerio de Educación, Formación Profesional e Deportes no marco do Plan de Recuperación, Transformación e Resiliencia.
Información de contacto
international@clusaga.org
881 023 853
SECTORES E ÁMBITOS
