Información xeral
Esta formación integral está deseñada para proporcionar ás empresas alimentarias as ferramentas necesarias para previr e reducir o desperdicio alimentario, cumprindo coa Lei española 1/2025 e cos cambios que entrarán en vigor en abril de 2026.
A través dun enfoque práctico e participativo, os participantes coñecerán o marco normativo, aprenderán a diagnosticar os puntos críticos de xeración de desperdicio, implementarán medidas preventivas e descubrirán estratexias de valorización e doazón segura de alimentos.
A formación combina exposicións teóricas, análise de casos reais, exercicios prácticos e un obradoiro colaborativo. Ademais, abordarase a comunicación interna e externa sobre desperdicio alimentario, asegurando que as mensaxes sexan claras e efectivas para todos os públicos internos e externos.
Estrutura do programa
- Coñecer a Lei 1/2025 e a súa aplicación na empresa alimentaria.
- Analizar e diagnosticar os puntos críticos de xeración de desperdicio.
- Diferenciar entre excedentes, subprodutos e residuos.
- Deseñar e implementar un PPMA eficaz.
- Aplicar medidas preventivas e boas prácticas de xestión de residuos.
- Promover a doazón segura de alimentos como estratexia de reducción.
- Comunicar eficazmente os obxectivos e resultados da reducción do desperdicio.
- Sensibilizar aos equipos sobre a importancia do desperdicio alimentario ao longo da cadea de valor.
A quen vai dirixido?
- Profesionais do ámbito da Calidade e/ou Seguridade Alimentaria
- Produción, Medio ambiente e/ou Sostibilidade
- Compras e/ou Loxística
- Responsables de Innovación e/ou I+D
- Persoal de Comunicación Interna ou Externa
Programa
Módulo 1. Diagnóstico do desperdicio e marco normativo
Duración do módulo: 1 xornada (4/02)
- Que é e que non é desperdicio.
- Diferencias entre excedentes, subprodutos e residuos.
- Deseño do PPMA e análise de procesos.
- Marco normativo: contexto europeo e francés, Lei española 1/2025 e cambios en 2026.
- Exercicios prácticos de diagnóstico e cuantificación do desperdicio.
Módulo 2. Medidas de prevención do desperdicio
Duración do módulo: 1 xornada (18/02)
- Resolución de casos prácticos.
- Análise das causas do desperdicio.
- Implementación de medidas preventivas.
- Ferramentas para a prevención.
- Indicadores e clasificación de residuos.
Módulo 3. Seguridade alimentaria e doazón de alimentos
Duración do módulo: 1 xornada (04/03)
- Boas prácticas de doazón segura.
- Caducidade vs consumo preferente.
- Perigos microbianos e criterios sobre que se pode e que non se pode doar.
- Exercicios prácticos para aplicar a seguridade alimentaria en toda a cadea.
Módulo 4. Comunicación, barómetros, casos de éxito e obradoiro colaborativo
Duración do módulo: 1 xornada (18/03)
- Comunicación interna e externa sobre a Lei 1/2025 e prevención do desperdicio alimentario.
- Barómetros actualizados e casos de éxito.
- Obradoiro participativo reducido (inspirado no Mural do Clima) para visualizar causas e efectos do desperdicio, debater solucións e definir accións concretas aplicables á empresa.
Método de formación
Emprégase un método práctico, participativo e colaborativo que combina exposicións teóricas, análise de casos reais, exercicios prácticos e un obradoiro lúdico de co-creación.
Durante o obradoiro, os participantes traballan en equipos para identificar causas, efectos e solucións ao desperdicio alimentario, fomentando o debate, a reflexión e a xeración de ideas aplicables á empresa. Todos os módulos inclúen entregables e guías prácticas para a súa implementación inmediata.
Facultade
Antonio Díaz Otero
Responsable de Proxectos, Phenix
María Muriano
Responsable de márketing e comunicación, Phenix
Roger Guixé Muntet
Consultor en SAIA – Consultoría en Seguridad Alimentaria
Data
4 de febreiro a 18 de marzo
Horario
9.30h - 15.30h
Modalidade
Presencial
Lugar
Edificio FEUGA (Santiago de Compostela)
Prezo
Gratis
Bonificación
Actuación subvencionada polo IGAPE ao abeiro do programa de axudas á transformación dixital das pemes, susceptible de ser cofinanciada pola Unión Europea a través do Fondo Europeo de Desenvolvemento Rexional (FEDER), no marco do Programa Galicia FEDER 2021-2027.
Información de contacto
circular@clusaga.org
981 556 062
SECTORES E ÁMBITOS
