O Clusaga organiza este demo day co obxectivo de mostrar casos de éxito e demostradores, fomentar a cooperación e identificar novas oportunidades para o avance da industria alimentaria galega cara a súa transformación dixital.

O demo day contará coa presentación de convocatorias no marco de programas que apoian a dixitalización e a Industria 4.0, proxectos demostradores e visita a living labs na aplicación das novas tecnoloxías a casos reais na industria alimentaria.

Este taller organízase no marco do grupo de traballo 2 (GT2) da Comisión de Innovación e I+D, nomeado “Novos modelos de produción e comercialización. Innovación en procesos e tecnoloxías. Dixitalización” na procura de facilitar que os participantes do grupo participen na identificación de posibles ideas de proxectos colaborativos.