A Axencia Galega de Innovación abre a convocatoria 2022 do Programa InnovaPeme.
Obxectivo
O Programa InnovaPeme concede axudas ás pemes para o financiamento de actividades integradas en plans de innovación que lles permitan sistematizar os procesos de innovación da empresa e estean aliñadas coas prioridades establecidas na RIS3 para Galicia.
As empresas solicitantes presentarán un plan de innovación que permitirá ampliar e consolidar a capacidade innovadora da empresa. As actividades do plan desenvolveranse ao longo dun ano como mínimo e máximo dende a data de presentación da solicitude ata o 31 de agosto do 2023.
Actividades subvencionables
- Actividades de innovación: estudos de novos produtos ou servizos innovadores, asesoramento en innovación, protección industrial ou intelectual,…
- Innovación en materia de procesos e/ou organización: cambios e/ou solucións innovadoras que melloren a produción ou novas metodoloxías que incidan positivamente no funcionamento interno da empresa, prácticas comerciais, metodoloxías,…
Tipo e intensidade da axuda
- Tipo de convocatoria: convocatoria en réxime de concorrencia competitiva
- Tipo de axuda: subvención a fondo perdido.
- Incentivo: 50% dos custos de implementación do plan de innovación da empresa (axudas entre 40.000€ e 100.000€)
- Orzamento total: 2.800.000 €
Beneficiarios
Microempresas, pequenas e medianas empresas individuais, con domicilio social ou centro de traballo en Galicia, onde deberán desenvolver as actividades para as que solicitan a axuda.
Prazo de presentación de solicitudes
19/04/2022 – 18/05/2022
