En colaboración coa Federación Federación Española de Industrias e Alimentos (FIAB), o Clúster Alimentario de Galicia (Clusaga), organiza a participación das empresas socias interesadas no pavillón agrupado español na Feira SIRHA LYON, que se celebrará en Eurexpo Lyon, do 23 ao 27 de setembro de 2021.
Sobre a Feira SIRHA LYON
A Feira SIRHA LYON, que se celebra cada dous anos en Lyon (Francia) é un salón no que a gastronomía e os produtos gourmet cobran unha especial relevancia. Ademais de empresas de alimentación de todo tipo, hai un espazo dedicado exclusivamente ao equipamento de hostalaría e restauración.
Algúns dos datos que resumen a súa última edición, en 2019, son os seguintes:
- 770 expositores, dos cales un 28 % eran internacionais.
- 41 pavillóns internacionais.
- 031 profesionais, aumento dun 8,22% respecto ao 2017.
- 581 visitantes internacionais.
- 24 concursos para revelar os novos talentos da hostalaría e a restauración.
Durante a feira celébranse varios concursos de cociña, tanto a nivel nacional como internacional. O concurso máis importante que ten lugar é o prestixioso Bocuse d’Or, considerado como o campionato mundial de cociña. Hoxe en día, este concurso convoca anualmente a multitude de países, logrando unha alta repercusión mediática ao reunir xornalistas, radios e televisións do mundo.
Nas últimas edicións, a presenza internacional ha crecido de forma notable na feira. Un gran número de empresas consideran que SIRHA converteuse no principal salón francés, quedando SIAL nun plano máis internacional.
Condicións e custo de participación
Clusaga organiza unha participación agrupada de catro empresas socias en dúas casetas de 11 m2, é dicir, un total de 22 m2. Esta participación inclúe superficie de decoración, montaxe do pavillón e mantemento do espazo compartido. Cada empresa contaría con mostrador, mesa, tres cadeiras, andeis, panel con imaxe da empresa, almacén compartido, inclusión no catálogo oficial da feira e promoción vía emailing.
O deseño, as especificacións de cada caseta e o que inclúe a cota de participación pódese consultar neste documento elaborado por FIAB (ver aquí).
Para cada entidade socia de Clusaga interesada, o custo bruto de participación por empresa (participación dun total de 4 empresas en 22m2) sería de 5.167€ + 21% IVE.
As empresas socias de Clusaga que estean interesadas en participar na Feira SIRHA LYON deben enviar antes do día 15 de xuño un email a international@clusaga.org indicándoo. Para calquera aclaración ou información adicional, pódese contactar co Clúster Alimentario de Galicia no mesmo email.
