Aberto o prazo de inscrición á 2º convocatoria de BioIncubaTech

BioIncubaTech, incubadora de alta tecnoloxía promovida pola Universidade de Santiago de Compostela, en colaboración con Uninova e a Cámara de Comercio de Santiago de Compostela, para o fomento da innovación e transferencia de tecnoloxía, abriu o prazo de inscrición á súa segunda convocatoria até o 8 de setembro de 2020.

Este proxecto financiado pola Fundación INCYDE e cofinanciado pola Axencia Galega de Innovación (GAIN) da Xunta de Galicia, está dirixido a micro-pemes e proxectos empresariais do ámbito biotecnológico, nas áreas de saúde e tecnoloxías alimentarias, cun enfoque innovador e diferenciador con respecto a outras solucións existentes no mercado.

Servizos que ofrece BioIncubaTech

  • Incubación de micro-pemes e proxectos do ámbito biotecnológico relacionados cos sectores da saúde e a alimentación.
  • Espazos de traballo privativos (laboratorios e/ou oficinas).
  • Instalacións e equipamentos especializados de tipo técnico en réxime compartido: sala branca, sala de cultivo celular, sala de bioloxía molecular, sala de equipos de gran volume e sala de almacenamento de mostras.
  • Programas coordinados de apoio no ámbito da transferencia de tecnoloxía, desenvolvemento de negocio, internacionalización e financiamento.

Nesta convocatoria seleccionaranse un máximo de 22 proxectos das seguintes características: até 14 proxectos en fase de preincubación, até 4 en fase de incubación e até 4 en fase de aceleración.

Procedemento e prazo de presentación

Poden presentarse candidaturas até o 08 de setembro de 2020 a través da seguinte ligazón: http://www.bioincubatech.com/tablon-de-anuncios/

MÁIS INFO BASES CONVOCATORIA

Detalles da programación de eventos

  • 8 Setembro 2020
Compartir
Engadir ao Calendario