A Clúster Alimentario de Galicia (Clusaga) organiza o próximo 9 de abril de 2026, de 09.30 a 11.30 horas no Hotel Palacio do Carmen de Santiago de Compostela un novo almorzo de networking centrado en validar os produtos innovadores no mercado.
Aprendizaxes do neuromárketing aplicados á innovación.
O almorzo estará centrado en axudar ás empresas do sector alimentario a transformar a creatividade en rendibilidade, profundando na psicoloxía do consumidor para comprender que impulsa realmente a decisión de compra. Ao longo da xornada exploraranse técnicas de innovación de mercados aplicadas, con exemplos específicos do sector alimentario, e abordarase o neuromarketing desde a perspectiva do márketing sensorial. Así mesmo, analizaranse ferramentas que permitan testar produtos de forma eficaz antes do seu lanzamento ao mercado.
Perspectiva do sector da man de Jaime Veiga
Jaime Veiga é profesor asociado ao IE Business School, na área de Marketing, desenvolvendo a súa carreira na empresa Procter&Gamble desde o ano 2000, onde ocupou cargos en diversos departamentos: I+D, Investigación de Mercados e Marketing.
Actualmente traballa como consultor de investigación de mercaods e márketing estratéxico, tanto a nivel persoal como colaborando con diversas empresas do sector.
Inscrición e contacto
Para inscribirse, é necesario completar o formulario correspondente. Para calquera consulta adicional, poden contactar a través do correo idi@clusaga.org.
