Axudas á actividade industrial de transformación no sector dos produtos da pesca e da acuicultura (dentro de PERTE Agroalimentario)

Obxecto da axuda

O obxectivo da convocatoria é mellorar aspectos no ámbito tecnolóxico e ecolóxico e incrementar a eficiencia enerxética e a contribución á economía circular por parte da flota e do complexo mar-industria.

Organismo convocante

Ministerio de Agricultura, Pesca e Alimentación. Subsecretaría de Agricultura, Pesca e Alimentación.

Beneficiarios

Pódense acoller a esta axuda:

• As sociedades mercantís de carácter individual con personalidade xurídica propia, con independencia do seu tamaño (pymes e grandes empresas), que desenvolvan unha actividade industrial de transformación do sector dos productos da pesca e da acuicultura en calquera punto do territorio nacional, e que non formen parte do sector público.

Actividades elixibles

Poderanse financiar proxectos aplicables a unha actividade industrial de transformación no sector dos produtos da pesca e da acuicultura que respondan ás seguintes temáticas:

1. Eficiencia enerxética: Contribuíndo ao incremento da eficiencia enerxética ou redución do impacto no ambiente, incluído o tratamento de residuos.
2. Economía circular: Axudando, entre outros, á transformación de capturas de peixe comercial que non se destine ao consumo humano e transformación de subprodutos obtidos das actividades principais de transformación.
3. Uso eficiente da auga.
4. Novos productos e/ou envases: impulsando a dixitalización integral e mellorando a optimización de procesos e sistemas de xestión e organización.
5. Rastrexabilidade.
6. Seguridade, hixiene, saúde e condicións de traballo.

Gastos elixibles

1. Aparellos e equipamentos: adquisición de activos fixos materiais vinculados aos obxectivos do proxecto e ao proceso productivo directa ou indirectamente.
2. Edificación e instalacións: investimentos materiais para a adecuación de naves industriais existentes, así como das súas instalacións.
3. Activos inmateriais: investimentos en activos vinculados á transferencia de tecnoloxía mediante a adquisición de dereitos de patentes, licenzas, «know-how» ou coñecementos técnicos non patentados.
4. Colaboracións externas: Só poderanse utilizar consultorías asociadas á xestión, tramitación e xustificación do financiamento solicitado na contía que non supere o 0,5 % da subvención concedida, a memoria de avaliación substantiva das actuacións do proxecto e o informe de auditor de contas.
5. A memoria de avaliación substantiva das actividades do proxecto, que determine o cumprimento do principio de «non causar un prexuízo significativo».

Gastos non subvencionables

1. Os custos de adquisición de activos fixos de segunda man.
2. Adquisición de empresas.
3. Impostos indirectos.
4. Os gastos financeiros derivados do pagamento adiado de investimentos ou doutros motivos, os investimentos en terreos, locais e obra civil e os gastos de despregamento de infraestruturas para prestación de servizos.
5. Custos de persoal propio.
6. Os pagamentos realizados fóra do periodo comprendido entre a solicitude da axuda e a data de finalización do proxecto.

Tipo, cuantía e intensidade da axuda

• Tipo de axuda: Subvención en concorrencia competitiva
• Contía: O importe total da concesión de axuda por beneficiario e por cada un dos anos 2024, 2025 e 2026 non superará os 2,5 millóns de euros. O importe máximo total da axuda por proxecto non superará os 5 millóns de euros.
• Intensidade: A intensidade máxima da axuda será do 50 por cento dos gastos elixibles. Para que un proxecto sexa elixible debe contar cun importe de actuacións financiables superior a 1,5 millóns de euros.

Presentación de solicitudes

A partir do día 5 de setembro e ata o día 16 de outubro de 2024.