Axudas autonómicas a proxectos de cooperación interterritoriais e transnacionais dos grupos de acción local do sector pesqueiro (PE155B)

Obxecto da axuda

Financiamento de proxectos de cooperación interterritorial e/ou transnacional dos Grupos de Acción Local do Sector Pesqueiro (GALP), incluídos en estratexias EDLP, co obxectivo de fomentar o desenvolvemento local sostible do sector pesqueiro e acuícola, cofinanciados polo FEMPA.

Organismo convocante

Consellería do Mar – Xunta de Galicia.

Beneficiarios

• Grupos de Acción Local do Sector Pesqueiro (GALP) seleccionados pola Consellería do Mar no marco das estratexias EDLP.
• Os GALP deberán dispoñer de convenio de colaboración coa Consellería do Mar e contar con capacidade administrativa, financeira e operativa suficiente para a execución do proxecto.

Actividades elixibles

• Proxectos de cooperación interterritorial entre GALP de distintas zonas.
• Proxectos de cooperación transnacional entre GALP de diferentes Estados membros da Unión Europea ou outras entidades que desenvolvan estratexias EDLP.
• Actuacións incluídas en estratexias EDLP aprobadas e aliñadas coas prioridades do FEMPA.

Gastos elixibles

Os gastos vinculados á execución de proxectos de cooperación interterritorial e transnacional incluídos nas estratexias EDLP aprobadas, conforme ao establecido nas bases reguladoras.

Tipo, cuantía e intensidade da axuda

• Orzamento da convocatoria: 850.000 €.
• Intensidade xeral: ata o 50 % do gasto subvencionable por norma xeral.
• Intensidade excepcional: ata o 100 % do gasto subvencionable cando o proxecto cumpra criterios de interese colectivo e o beneficiario sexa de carácter colectivo.
• Importe máximo da axuda: 200.000 € por beneficiario ou conxunto de beneficiarios e convocatoria.