Axudas para o Desenvolvemento Tecnolóxico e a Innovación mediante o emprego da Intelixencia Artificial

Obxecto da axuda

O obxecto destas bases é apoiar ás pemes e grandes empresas de Galicia no desenvolvemento tecnolóxico e a innovación a través do uso da Intelixencia Artificial.

Organismo convocante

Convocado polo Instituto Galego de Promoción Económica (IGAPE).

Beneficiarios

Poderán ser beneficiarias destas axudas as empresas de calquera sector galegas ou cun centro de traballo en Galicia, que realicen calquera actividade económica coa excepción de:

• A produción primaria de produtos da pesca e da acuicultura.
• A produción primaria de produtos agrícolas e gandeiros.

Actividades elixibles

Proxectos clasificados en:

• Liña A: Desenvolvemento de tecnoloxía para a mellora da actividade económica e industrial e para a comercialización de novos produtos e servizos baseados en Intelixencia artificial.
• Liña B: Proxectos de implantación e aplicación de servizos e/ou solucións comerciais baseadas en Intelixencia Artificial para mellorar a competitividade das empresas de Galicia, e proxectos no marco da xestión estratéxica do dato para acelerar a adopción de solucións baseadas en Intelixencia Artificial.
• Liña C: Proxectos de formación en Intelixencia Artificial en empresas de Galicia, para mellorar a súa capacitación, competitividade e integración da Intelixencia Artificial nas súas cadeas de valor.

Gastos elixibles

Liña A

• Gastos de persoal
• Gastos de equipamento
• Obras necesarias para a posta en marcha do equipamento
• Gastos non recorrentes necesarios para a execución do proxecto
• Costes indirectos ata o 15% dos directos

Liña B

• Gastos de personal
• Gastos de instrumental, material, edificios e terreos
• Gastos de investigación contractual, coñecementos e patentes
• Outros gastos xerais

Liña C

• Gastos de persoal dos formadores
• Gastos de funcionamento dos formadores e dos beneficiarios da formación
• Gastos de servizos de asesoramento
• Gastos de persoal dos beneficiarios da formación
• Custos indirectos xerais polas horas de participación na formación

Tipo, contía e intensidade da axuda

Liña A

• Tipo: subvención en réxime de concorrencia non competitiva.
• Contía: O orzamento mínimo dos proxectos será de 100.000€ e o importe máximo non superará os 1.000.000€ con carácter xeral.
• Intensidade: Para pequenas empresas: 45% para desenvolvemento experimental e 60% para desenvolvemento experimental con ampla difusión dos resultados do proxecto.

Para empresas medianas: 35% para desenvolvemento experimental e 50% para desenvolvemento experimental con ampla difusión dos resultados do proxecto.

Para grandes empresas: 25% para desenvolvemento experimental e 40% para desenvolvemento experimental con ampla difusión dos resultados do proxecto.

Liña B

• Tipo: subvención en réxime de concorrencia non competitiva. Réxime de minimis.
• Contía: O orzamento mínimo do proxecto serán 10.000€ e máximo 200.000€.
• Intensidade: 50% con carácter xeral e 60% en réxime de minimis.

Liña C

• Tipo: subvención en réxime de concorrencia non competitiva.
• Contía: O orzamento mínimo do proxecto será de 10.000€ e máximo 60.000€.
• Intensidade: 70% para pequenas empresas, 60% para empresas medianas e 50% para grandes empresas.

Presentación de solicitudes

O prazo de presentación de solicitudes estará aberto para:

• Liña A: ata o 30 de abril ás 14h.
• Liñas B e C: ata o 31 de outubro ás 14h.

A solicitude debe realizarse na seguinte ligazón: www.tramita.igape.es