Obxecto da axuda
O obxectivo destas axudas é financiar proxectos cun aspecto tecnolóxico diferencial sobre as tecnoloxías existentes no mercado. Estes proxectos de I+D poden comprender tanto actividades de investigación industrial como de desenvolvemento experimental e poden ser presentados por unha única empresa ou por un consorcio de empresas.
Organismo convocante
Convocadas polo Ministerio de Ciencia, Innovación e Universidades e o CDTI.
Beneficiarios
Grandes empresas, pemes e persoas físicas que desenvolven actividade económica.
Actividades elixibles
Os proxectos de innovación tecnolóxica contemplan os seguintes tipos de actividades:
- Incorporación e adaptación activa de tecnoloxías emerxentes na empresa, así como os procesos de adaptación e mellora de tecnoloxías a novos mercados.
- Aplicación do deseño industrial e enxeñería de produto e proceso para a mellora tecnolóxica dos mesmos.
- Aplicación dun método de produción ou subministración novo ou significativamente mellorado, incluídos cambios significativos en canto a técnicas, equipos e/o programas informáticos.
Gastos elixibles
Considéranse investimentos e gastos elixibles:
- A adquisición de activos fixos novos que supoña un salto tecnolóxico importante para a empresa que realiza o proxecto.
- Custos de persoal.
- Materiais e consumibles.
- Contratación de servizos externos e subcontratacións.
- Gastos xerais.
- Custos de auditoría do proxecto, cun límite máximo de 2.000 €.
- Custos da validación do cumprimento do principio DNSH de entidade acreditada por ENAC, e de calquera outro informe relativo ao cumprimento deste principio que se poida requirir en fases posteriores do proxecto, cun límite de 2.000€.
Tipo, cuantía e intensidade da axuda
- Tipo: Préstamo con concesión directa – instrumental
- Contía: O orzamento mínimo financiable por proxecto é de 175.000€ por empresa.
- Intensidade da axuda: cunha cobertura de ata o 85% do orzamento total.
Presentación de solicitudes
A presentación das solicitudes para a obtención das axudas da Liña LIC deberá realizarse obrigatoriamente a través dos medios habilitados para iso na sede electrónica de CDTI (https://sede.cdti.gob.es).
A presentación de solicitudes on-line, a través da aplicación CDTI, poderase realizar de forma continuada ao longo de todo o ano.
