Obxecto da axuda
Apoiar investimentos en transformación, comercialización e/ou desenvolvemento de produtos agrarios en Galicia, cofinanciados polo FEADER, para mellorar a competitividade, a eficiencia enerxética, a innovación e o desenvolvemento económico do sector agroalimentario.
Organismo convocante
Xunta de Galicia – Consellería do Medio Rural.
Beneficiarios
Empresarios individuais ou sociedades que sexan (ou vaian ser) titulares de instalacións en Galicia para transformar e/ou comercializar produtos agrarios, e que asuman a carga financeira do investimento. Dedicadas á transformación e/ou comercialización de produtos do Anexo I do Tratado Constitutivo da Comunidade Europea e sobre as cales recaia a carga financeira dos investimentos e gastos que se consideren incentivables.
Actividades elixibles
Modalidades:
- Liña ambiental (6842.1)
Investimentos dirixidos a reducir as emisións de gases de efecto invernadoiro na industria, investimentos no procesamento de biomasa agrícola para a produción de enerxía, así como a incorporación de enerxías alternativas na industria agroalimentaria. En xeral, investimentos que permitan mellorar a eficiencia enerxética.
| Puntuación | % subvención |
| 77 ou máis | 50 % |
| 66–76 | 45 % |
| 55–65 | 40 % |
| 44–54 | 35 % |
| 31–43 | 30 % |
| 20–30 | 25 % |
| Menos de 20 | 0 % |
- Liña xeral (6842.2)
Investimentos no ámbito da transformación e da comercialización de produtos agroalimentarios que busquen mellorar o rendemento e o desenvolvemento económico das empresas; fomentar produtos de calidade; mellorar a seguridade alimentaria; favorecer a creación de cadeas curtas de comercialización; potenciar a innovación e a transformación dixital; o desenvolvemento de novos produtos; a procura de novos mercados e a valorización de subprodutos agrarios.
| Puntuación | % subvención |
| 86 ou máis | 50 % |
| 71–85 | 45 % |
| 56–70 | 40 % |
| 46–55 | 35 % |
| 31–45 | 30 % |
| 20–30 | 25 % |
| Menos de 20 | 0 % |
Serán subvencionables os investimentos en activos fixos para a creación, ampliación e modernización de instalacións situadas en Galicia destinadas á transformación e/ou comercialización de produtos agrarios, considerando como tales os produtos enumerados no Anexo I do Tratado Constitutivo da Comunidade Europea, agás os produtos da pesca.
Gastos elixibles
- Construción, adquisición e mellora de bens inmobles (a compra de terreo ata o 10% do gasto subvencionable).
- Compra de maquinaria e equipamentos novos, ata o seu valor de mercado.
- Investimentos intanxibles: adquisición e desenvolvemento de programas informáticos, patentes, licenzas, dereitos de autor e marcas rexistradas vinculadas ao proceso produtivo.
- Gastos vinculados aos puntos anteriores en honorarios de proxecto e dirección de obra, así como estudos de viabilidade (máx. 12%).
Tipo, cuantía e intensidade da axuda
Porcentaxe máximo (segundo produto final e tamaño da empresa):
- Produtos Anexo I: ata o 50% (micro/pequena/mediana/non peme)
- Produtos non Anexo I: 35% (micro/pequena), 25% (mediana), 15% (non peme)
Porcentaxe efectivo por puntuación (baremo):
- Intervención 6842.1: 25%–50% (segundo puntos; <20 = 0%)
- Intervención 6842.2: 25%–50% (segundo puntos; <20 = 0%)
Extra: +5% se é cooperativa agraria galega (ou participada maioritariamente por cooperativas/OPs de Galicia), sen superar os máximos.
Límites de importe da axuda:
- Topes por tramos de investimento (se puntuación ≤55) e límites globais por beneficiario: ata 3.000.000 € ou 5.000.000 € segundo volume; máximo 7.000.000 € por grupo empresarial.
(Ver criterios de puntuación en base aos Anexos III, IV e V da orde de axuda)
Presentación de solicitudes
Prazo: do 17/01/2026 ao 16/02/2026.
