Ciclo de Webinars do Programa Competemar | Oportunidades para o sector alimentario galego en Emiratos Árabes Unidos

Clusaga organiza dúas novas entregas de Martes de Insights, dentro do Programa Competemar 2025, un ciclo de webinars especialmente deseñado para profundizar nos retos e oportunidades que presentan os Emiratos Árabes Unidos para o sector agroalimentario galego. Estes encontros virtuais buscan converterse nun espazo de análise sobre a evolución do comercio internacional, ofrecendo unha panorámica detallada das tendencias de mercado máis relevantes, así como das barreiras culturais, legais e arancelarias que poden influír nas operacións comerciais.

Sesión 1: “Introdución ó mercado emiratí”

A primeira sesión celebrarase o día 10 de outubro e ofrecerá unha visión xeral do mercado emiratí, permitindo ás empresas comprender mellor a súa dinámica, as oportunidades comerciais existentes e os factores clave que determinan o éxito na rexión.

Sesión 2: “Exportar a Emiratos: claves para o sector alimentario galego”

Na segunda sesión, que se celebrará o 14 de outubro, proporcionaranse ferramentas estratéxicas e recomendacións prácticas para que as empresas asociadas poidan abordar o mercado emiratí con maior seguridade e confianza, superando barreiras e aproveitando oportunidades comerciais concretas.

Inscrición

Para asistir a calquera das sesións que compoñen este ciclo é necesario inscribirse a través do formulario que aparece a continuación. Aínda que está dirixido a empresas participantes no Programa Competemar 2025, trátase dunha actividade aberta ao público previa inscrición.

Para máis información, pódese consultar o programa completo ou contactar con Clusaga no correo international@clusaga.org ou no teléfono 881 023 853.