Convocatoria | Programa PROALIS CARBON: Programa colectivo de acción climática e descarbonización para o sector alimentario

O Programa Colectivo de Acción Climática e Descarbonización, PROALIS CARBON, é unha iniciativa para impulsar a acción climática e a transformación sostible do sector alimentario galego.

O Clúster Alimentario de Galicia e a Consellería de Medio Ambiente e Cambio Climático da Xunta de Galicia e sendo Vegalsa-Eroski empresa tractora, impulsan este programa como parte do seu compromiso coa sustentabilidade do sector alimentario galego. Esta iniciativa inscríbese no marco da Alianza Galega polo Clima, contribuíndo activamente aos obxectivos comúns para acadar a Neutralidade Climática de Galicia antes de 2050. Este programa pretende ofrecer ás empresas coñecementos clave, ferramentas prácticas e acompañamento experto para avanzar cara a modelos produtivos máis sostibles, eficientes e resilientes fronte ao cambio climático.

PROALIS CARBON acaba de abrir o seu prazo de inscrición.

Etapas do programa: Diagnóstico, Formación, Servizo de Coaching e Evaluación

PROALIS CARBON, busca situar o sector alimentario galego como referente en sustentabilidade ambiental e líder na descarbonización, con un programa que poida ser escalable e replicable en outros sectores, combinando competitividade, calidade e seguridade alimentaria cun firme compromiso non só coa saúde e a calidade, senón tamén co medio ambiente, co clima e co coidado das vindeiras xeracións.

Para acadar ese obxectivo, o programa divídese en 4 etapas:

1. Diagnóstico (xullo – setembro)

Dirixido a empresas do sector alimentario que desexen participar no programa e obter unha diagnose da súa situación actual en materia de sustentabilidade e descarbonización. A participación contribuirá a visibilizar a realidade do sector alimentario en Galicia e permitirá avanzar na formación e sensibilización dos equipos das empresas.

2. Programa formativo en sustentabilidade e descarbonización (setembro – novembro)

Obradoiros prácticos presenciais cunha duración de 4 horas, que permitirán adquirir coñecementos relevantes en materia de sustentabilidade e cambio climático. Enfocado a empresas de calquera tamaño do sector alimentario, con ou sen experiencia previa en sustentabilidade e descarbonización. As datas dos obradoiros serán:

• Sesión 1 (10/09/2025): Dobre materialidade e evaluación de riesgos climático
• Sesión 2 (24/09/2025): Comunicación da sustentabilidade, CSRD e memorias de sustentabilidade
• Sesión 3 (08/10/2025): Medición de pegadas: Alcance 3 de HdC Pegada hídrica
• Sesión 4 (05/11/2025): Liñas estratéxicas para a descarbonización e Lean & Green para a reducción

3. Servizo de coaching (setembro – novembro)

As empresas recibirán acompañamento de 25-30 horas por proxecto por parte de persoas expertas en sustentabilidade, gobernanza climática, cálculo da pegada de carbono e medidas para a descarbonización e a adaptación ao cambio climático.

4. Avaliación (novembro)

Esta fase final centrarase na avaliación dos resultados obtidos ao longo do programa. Realizarase un balance dos logros acadados por cada empresa participante, analizando os avances en sustentabilidade, gobernanza climática e medidas de descarbonización implementadas.

Participación no Programa

As empresas interesadas poden optar a dous tipos de apoio a través desta convocatoria.

• Modalidade Empresa Activa Clima: para aquelas empresas que están a iniciar o seu camiño climático e de descarbonización. Estas entidades participarán no itinerario formativo cun enfoque centrado na formación interna e na creación dunha cultura de sustentabilidade. Disporán de ferramentas de autodiagnose e boas prácticas adaptadas ao sector.
• Modalidade Empresa Élite Clima: Dirixida a empresas seleccionadas en función do seu grao de madurez climática, do compromiso mostrado e da necesidade de apoio técnica ou extratéxica. Beneficiaranse dun acompañamento experto individua-lizado, así como do recoñecemento como empresas líderes que protexen, impulsan e fortalecen o clima, actuando como referentes non só para o sector, senón tamén para Galicia. Para acceder a esta modalidade, as empresas deberán cumprir cos seguintes requisitos:
  • Ser unha empresa do sector alimentario e das bebidas.
  • Contar cunha necesidade de apoio definida, xa sexa por parte do mercado ou pola súa estratexia interna.
  • Ter aproveitado de maneira efectiva as accións formativas.
  • Adherirse á Alianza Galega polo Clima.

Presentación de solicitudes

As solicitudes poderanse presentar a través do formulario en liña ata o 5 de setembro de 2025, data na que rematará o proceso de selección. A participación é completamente gratuíta para as empresas seleccionadas.