Clusaga oferta unha serie de servizos de apoio á innovación, así como á sustentabilidade e competitividade, dirixidos a pemes alimentarias e subvencionados a través do proxecto europeo Hub4Food.
Servizos ofertados actualmente
-
Obradoiros de ecodeseño de envases na empresa: Obradoiros individuais para pemes alimentarias centrados especificamente no deseño de envases sustentables para produtos alimentarios. O obxectivo é dotar as empresas de coñecementos sobre materiais, deseños e procesos de envasado sustentables.
-
Informes subsectoriais sobre tendencias de innovación de produtos: Servizo de seguimento baseado en datos que explora os cambios que afectan os principais subsectores produtores de alimentos e bebidas. Isto proporcionará ás pemes un marco de orientación para manterse ao día sobre as tendencias do mercado.
-
Novas tecnoloxías e tendencias no procesado de alimentos: Servizo de intelixencia e exploración tecnolóxica que proporciona ás empresas alimentarias información actualizada sobre tecnoloxías emerxentes, innovacións e tendencias do sector da transformación alimentaria para axudalas a mellorar os seus coñecementos, competitividade e capacidade de innovación.
Estes servizos están dirixidos exclusivamente a pemes.
Presentación de solicitudes de servizo
Para solicitar cada un dos servizos, a empresa debe cubrir o seguinte formulario.
Servizo de “Obradoiros de ecodeseño de envases na empresa”
-
Aberto de forma continua.
Servizo de “Informes subsectoriais sobre tendencias de innovación de produtos”
-
Aberto de forma continua.
Servizo de “Novas tecnoloxías e tendencias no procesado de alimentos”
-
Aberto de forma continua.
Estes servizos ofrécense de balde para as empresas seleccionadas (subvencionados a través de Hub4Food).
Hub4Food, un proxecto para potenciar a industria alimentaria atlántica
O proxecto Hub4Food (Atlantic Food Innovation Hub), coordinado por Clusaga, busca ser un polo de innovación para o sector agroalimentario atlántico. Reúne a clusters e redes agroalimentarias (BIA Innovator Campus, Clusaga, EIT Food South, InovCluster e Valorial) e centros tecnolóxicos (ANFACO-CECOMSPA, CATAA, LEMPA, MARE-IPLeiria, PRAXENS e Teagasc) de Francia, Irlanda, Portugal e España.
A través das súas actividades, Hub4Food contribúe a mellorar as capacidades de innovación e as conexións do ecosistema da industria alimentaria atlántica. Tamén fomenta o desenvolvemento de produtos alimentarios novos e mellorados (especialmente os de orixe mariña).
Hub4Food inclúe a creación da Business Innovation Facility (BIF), rede virtual de puntos de contacto rexionais/nacionais que apoian a innovación e competitividade das pemes alimentarias a través dun catálogo de servizos.
Hub4Food está cofinanciado polo programa Interreg Atlantic Area 2021-2027.
