O Clúster Alimentario de Galicia (Clusaga) convoca a contratación dun servizo especializado de apoio á dinamización e consolidación de proxectos innovadores no marco da plataforma INNPULSA FOOD, co obxectivo de fomentar a colaboración empresarial e facilitar o acceso a fondos de I+D+i e dixitalización.
Obxecto do contrato
O servizo terá como finalidade deseñar, executar e seguir as actividades de dinamización de proxectos innovadores, incluíndo:
- Elaboración de alertas e mantemento dunha base de datos de convocatorias de financiamento.
- Organización de cinco talleres prácticos con dinámicas de networking.
- Acompañamento individualizado aos proxectos xerados nos talleres.
- Elaboración de guías de apoio para a xestión de proxectos.
- Seguimento e avaliación mediante informes periódicos e finais.
Prazo e orzamento
O contrato terá vixencia desde a sinatura ata o 30 de setembro de 2026 e o orzamento destinado ao servizo é de 31.059,29 € + IVE.
Criterios de selección
A adxudicación realizarase en función de:
- Calidade e adecuación da proposta técnica (máx. 50 puntos).
- Experiencia e perfil do equipo de traballo (máx. 35 puntos).
- Propostas de valor engadido (máx. 15 puntos).
Documentación e presentación de ofertas
Os interesados deberán enviar:
- Documento de oferta técnica con proposta de traballo e equipo asignado.
- Informe de experiencia previa.
As ofertas deberán remitirse a info@clusaga.org ata o 5 de novembro de 2025 ás 23:59h.
