A Business Factory Food (BFFood) é a aceleradora do sector alimentario de Galicia, impulsada pola Xunta de Galicia e implementada e xestionada polo Clúster Alimentario de Galicia (Clusaga). BFFood ten como obxectivo atraer e impulsar proxectos innovadores de emprendemento, tanto nacionais como internacionais, para afrontar os retos do sector alimentario nun entorno global.
Obxecto do contrato
No marco do convenio para a continuidade da BFFood, Clusaga convoca a contratación de servizos de difusión e organización de eventos do programa BFFood, garantindo unha comunicación eficaz, coherente e aliñada coa estratexia de comunicación, incluíndo xestión de redes sociais, xestión de contidos dixitais e apoio integral na organización de eventos.
O servizo estrutúrase en dous bloques:
BLOQUE I. XESTIÓN DE CONTIDOS, DIFUSIÓN E COMUNICACIÓN
- Elaboración de plans mensuais de contidos, definición de estratexia, creación de calendarios editoriais, identificación de tendencias e coordinación cos responsables de BFFood.
- Xestión de redes sociais e community management do perfil de BFFood en LinkedIn, con publicación de contidos, monitorización, interacción coa comunidade e informes mensuais de métricas clave.
- Preparación e publicación de contidos na web de BFFood, incluíndo redacción de novas, entrevistas e artigos, optimización SEO e colaboración cos responsables do programa.
- Elaboración de materiais de difusión dos proxectos apoiados por BFFood, con entrevistas, vídeos, catálogo de proxectos e coordinación coas start-ups.
- Xestión de medios e publicidade, incluíndo notas de prensa, relacións cos medios, campañas en medios xeneralistas e sectoriais, e elaboración de informes de impacto.
BLOQUE II. XESTIÓN DE EVENTOS, DIFUSIÓN E COMUNICACIÓN
- Apoio integral na organización e comunicación de eventos BFFood en Galicia (Pitch Day, Infoday e Demoday das edicións VIII e IX), incluíndo logística, coordinación de relatores, autoridades, inscrición, viaxes e aloxamento, difusión en medios e redes sociais, cobertura fotográfica e audiovisual, e elaboración de informes de impacto.
- Participación en eventos relevantes fóra de Galicia, con coordinación loxística, reserva de espazo, deseño de materiais expositivos e apoio comunicativo.
- Participación en eventos de terceiros en Galicia, con organización, deseño de materiais e cobertura comunicativa para impulsar a visibilidade do programa.
Prazo de execución
O contrato terá vixencia desde a firma ata o 30/10/2026, con renovación automática anual ata o 30/10/2027 salvo comunicación en contrario con 15 días de antelación.
Orzamento de referencia
- Período desde a firma ata 30/10/2026 (convocatorias VII e VIII Edición): 24.075,41 € (IVE excluído)
- Período do 01/11/2026 ao 30/10/2027: 14.956,84 € (IVE excluído)
Prazos de facturación e pago
A facturación realizarase sobre a base dos traballos efectivamente realizados, vinculando cada pagamento á verificación do cumprimento dos fitos e actividades definidos no contrato, mediante informes técnicos e económicos. A facturación prevéase trimestral, axustándose os prazos concretos ao calendario de execución acordado.
Criterios de selección
1. Oferta económica – 15 puntos: valoración do detalle, coherencia e axuste do orzamento por período e conceptos.
2. Experiencia en servizos similares – 20 puntos: valoración da experiencia dos últimos cinco anos en comunicación corporativa, dixital e organización de eventos.
3. Calidade e nivel de detalle da oferta técnica – 40 puntos: valoración de metodoloxía, plan de traballo, planificación de contidos, coordinación, avaliación de resultados e creatividade.
4. Calidade do equipo profesional asignado – 15 puntos: adecuación, experiencia e definición de roles do equipo.
5. Propostas de mellora – 10 puntos: incorporación de accións adicionais, optimización de estratexia, visibilidade e recursos complementarios.
Documentación e presentación de ofertas
As ofertas deberán incluír:
- Documento de oferta técnica con proposta de traballo, equipo asignado, orzamento e, se procede, propostas de mellora.
- Informe de experiencia na prestación de servizos similares.
As ofertas deberán enviarse a info@bffood.gal ata o 14/11/2025 ás 14:00 h.
