O sector alimentario está a vivir unha transformación constante na que a innovación resulta clave para responder ás novas demandas do mercado e mellorar a competitividade empresarial.
Co obxectivo de dar visibilidade a iniciativas innovadoras desenvolvidas por empresas do ecosistema alimentario, Clusaga organiza esta xornada de presentación de proxectos empresariais de I+D+i. Durante o encontro daranse a coñecer solucións centradas na mellora de produtos e procesos mediante a incorporación de tecnoloxías innovadoras, como a intelixencia artificial, a dixitalización e a sustentabilidade.
Ademais, empresas tecnolóxicas vinculadas ao clúster compartirán as súas capacidades e solucións a través de presentacións breves, orientadas a impulsar a eficiencia e o rendemento das compañías do sector alimentario.
Data e lugar
30 de xuño
Horario: de 12:30 a 14:00 horas
Lugar: Edificio FEUGA, Santiago de Compostela
Inscrición e contacto
A asistencia á xornada é gratuíta, pero require inscrición previa a través do formulario habilitado pola organización.
Para máis información ou para resolver calquera consulta relacionada co evento, as persoas interesadas poden contactar con Clusaga a través do seguinte enderezo electrónico:
Financiamento
Esta xornada está financiada pola convocatoria 2025 do Programa de apoio ás Agrupacións Empresariais Innovadoras (AEI) do Ministerio de Industria e Turismo e conta coa coordinación do Clúster Alimentario de Galicia (Clusaga).
