Na actualidade, o reporte que levan a cabo as empresas en materia de accións sostibles está a adquirir gran relevancia. Alén, o marco lexislativo europeo relacionado coa Directiva Europea UE2022/2464 sobre Información Corporativa en materia de Sustentabilidade (CSRD) busca mellorar a calidade do reporting non financeiro, considerando a cadea de subministro.
Nese aspecto, a elaboración de Informes de Sustentabilidade Corporativa supón unha excelente vía para comunicar os compromisos, obxectivos e avances das empresas de xeito efectivo e transparente. Por iso, o Clúster Alimentario de Galicia (Clusaga) colabora con Captology e a consultora 17 ODS na organización dun webinar informativo para orientar ás empresas alimentarias nesta materia, que terá lugar o 17 de setembro, ás 9.30 horas.
Así, a sesión permitirá abordar dúas ferramentas chave na elaboración de Informes de Sustentabilidade Corporativa: as Normas Europeas de Información sobre Sustentabilidade (NEIS) como panca de información para todas as empresas da cadea de valor; e a importancia da avaliación da dobre materialidade. Ademais, o webinar servirá para expoñer a posible interoperabilidade con outros estándares recoñecidos como GRI, e para a presentación dun caso que sirva como exemplo.
Para asistir é preciso inscribirse a través do formulario que aparece a continuación antes do 16 de setembro ás 14.00 horas. Para máis información, pódese consultar o programa completo ou contactar con Clusaga no correo circular@clusaga.org ou no teléfono 682 616 021.
