Obxecto da axuda
Mellorar a preparación dixital fronte as ameazas cibernéticas nas empresas galegas, mediante a adopción de medidas de ciberseguridade que lles permitan reforzar a protección dos seus activos críticos, reducir o risco de incidentes e mellorar a súa capacidade de prevención, detección e resposta ante ameazas no entorno dixital.
Organismo convocante
Instituto Galego de Promoción Económica (IGAPE).
Beneficiarios
Poderán ser beneficiarias destas axudas os empresarios individuais e persoas xurídicas que teñan a condición de empresa, con independencia do seu tamaño sendo do sector agrícola.
Actividades elixibles
As axudas destinaranse a financiar o acceso a servizos de ciberseguridade prestados por entidades provedoras homologadas, que poderán abranguer:
- A realización dun diagnóstico inicial de madurez e riscos.
- Acceso a servizos especializados en pago por uso durante 12 meses, adaptados ás necesidades detectadas, que poderán incluír a migración segura de infraestruturas a contornos cloud (IaaS), a operación segura de infraestruturas TI (ITaaS) ou a protección de contornos industriais OT (OTaaS).
- A execución de actuacións complementarias de reforzo, tales como probas de hacking ético, accións de concienciación e sensibilización ou a implantación de políticas de seguridade baseadas en estándares recoñecidos como ISO/IEC 27001, o Esquema Nacional de Seguridade (ENS) ou a Directiva NIS2, así como servizos de acompañamento estratéxico tipo CISO as a Service.
Gastos elixibles
Gastos derivados do acceso a servizos especializados de ciberseguridade prestados por entidades provedoras homologadas, co obxectivo de mellorar a capacidade das empresas galegas para previr, detectar, responder e recuperarse fronte a incidentes de seguridade dixital, sempre que se realicen dende a data de solicitude da axuda.
Tipo, contía e intensidade da axuda
- Tipo: Subvención e entrega dineraria sen contraprestación en réxime de concorrencia non competitiva.
- Contía: 13.500€ ata 30.000€
- Intensidade: 75%
Presentación de solicitudes
A persoa solicitante deberá cubrir previamente un formulario electrónico descritivo das circunstancias da persoa solicitante e do proxecto para o que solicita a subvención, a través da aplicación establecida no enderezo da internet https://spiga-sede.igape.es antes do 15 de novembro de 2025.
