Obxecto da axuda
Subvencións destinadas a apoiar a internacionalización das empresas galegas mediante accións de promoción exterior, mellora da competitividade internacional e internacionalización dixital, co obxectivo de reforzar a súa presenza en mercados internacionais e facilitar o acceso a novos mercados.
Organismo convocante
Igape – Instituto Galego de Promoción Económica.
Beneficiarios
- Pemes e persoas autónomas con centro de traballo en Galicia.
- Cunha persoa traballadora por conta allea nese centro, excepto:
- Startups con certificación ENISA en vigor.
- Empresas constituídas con menos de 42 meses de antigüidade.
- Dadas de alta en programas avanzados de internacionalización do Igape (ou solicitude previa mediante procedemento IG192).
- Ao día nas obrigas tributarias e coa Seguridade Social.
Entidades excluídas
- Empresas suxeitas a ordes de recuperación de axudas da Comisión Europea.
- Empresas incursas nas prohibicións da Lei 9/2007 de subvencións de Galicia.
- Agrupacións sen personalidade xurídica, comunidades de bens ou entidades análogas (agás autónomos).
- Empresas que incumpran os prazos legais de pagamento a provedores cando a axuda supere os 30.000 €.
Actividades elixibles
1. Promoción internacional
- Participación como expositor en feiras internacionais (presenciais ou virtuais).
- Participación activa en eventos expositivos internacionais.
- Misións comerciais directas.
- Misións comerciais inversas.
2. Competitividade internacional
- Publicidade en medios, catálogos e webs de importadores ou distribuidores estranxeiros.
- Elaboración de catálogos en papel ou dixitais.
- Estudos de mercado e análise da competencia.
- Seguimento de contactos e clientes no exterior.
- Xestión de acordos comerciais internacionais.
- Certificacións, homologacións e rexistros de marcas e patentes.
- Informes de liberdade de operación (FTO).
- Adaptacións de produto para mercados exteriores.
- Servizos de tradución e taxas asociadas.
3. Internacionalización dixital e e-commerce
- Creación ou adaptación de tendas en liña internacionais.
- Catálogos en liña B2B e B2C.
- Campañas de inbound marketing internacional.
- Solucións de analítica e visualización de KPI.
Gastos elixibles
- Custos directos vinculados ás accións aprobadas.
- Custos indirectos: 7 % fixo sobre os custos directos subvencionables.
- O IVE non é subvencionable, salvo que se acredite que non é recuperable.
- Gasto mínimo subvencionable: 3.500 € (IVE excluído, sen incluír custos indirectos).
Tipo, cuantía e intensidade da axuda
- Orzamento da convocatoria: 9.000.000 €.
- Intensidade: 70 % dos custos directos subvencionables + custos indirectos (7 %).
- Axuda máxima por empresa: 150.000 €.
- Límites por tipo de actuación:
– Promoción internacional + competitividade internacional: ata 100.000 €.
– Internacionalización dixital: ata 50.000 €.
- Anticipo: ata o 50 % da subvención concedida, sen garantías.
