Obxecto da axuda
O programa ICEX Next axuda a desenvolver ou contrastar a estratexia de internacionalización da empresa, analizando os mellores destinos para o produto ou servizo e prestando apoio cun Plan Estratéxico de Negocio Internacional Offline e Online, enfocado ós mercados exteriores seleccionados. Todo isto a través dun Asesoramento Especializado por parte de consultores e asesores nacionais e internacionais homologados por ICEX, durante un proceso de 24 meses, e co apoio dunha Subvención Económica dotada dunha cuantía de ata 24.000 euros.
Organismo convocante
ICEX
Beneficiarios
PEMEs e persoas físicas que desenvolvan actividade económica cun produto/servizo propio e marca propia e facturación superior ós 300.000€
Actividades elixibles
As actividades elixibles nesta subvención son as relativas ó estudio, implantación e desenvolvemento de estratexias de internacionalización da empresa.
Gastos elixibles
- Asesoramento personalizado, prestado por asesores e consultores ICEX-Next para o deseño/contraste/revisión da estratexia internacional e propostas de implementación, así como asesoramento en áreas que faciliten a mellora da competitividade exterior.
- Gastos de prospección e estudos referidos a mercados internacionais
- Gastos de promoción internacional, incluíndo tamén os relativos a patentes e certificacións
- Gastos de desenvolvemento de rede comercial no exterior
- Gastos de solucións tecnolóxicas que faciliten a operativa exterior
- Custos de persoal interno adicado a tarefas do proxecto de internacionalización
Tipo, cuantía e intensidade da axuda
Subvención e entrega diñeiraria sen contraprestación.
A cuantía da subvención por empresa beneficiaria será o 60% dos gastos subvencionados ata un máximo de 24.000,00€ por empresa.
De ter recibido axudas suxeitas ó Reglamento de Minimis e que superen o umbral máximo, de concederlle a axuda máxima total de 24.000,00€, reducirase o importa na cuantía necesaria para non alcanzar o umbral, sempre que a axuda resultante supere os 10.000,00€.
Presentación de solicitudes
Existen dous períodos de solicitude:
- Período 1: activo entre o 24 de setembro de 2024 e o 15 de outubro de 2024 ás 17:00h
- Período 2: activo do 25 de novembro de 2024 ó 17 de decembro de 2024 ás 17:00h
As solicitudes preséntanse electronicamente a través do formulario de Solicitude de Axuda do Programa ICEX Next que se atopa no Portal ICEX Next
