Igape Innova – Axudas para mellorar a capacidade de innovación das empresas en Galicia mediante plans de deseño e innovación (IG408L)

Obxecto da axuda

Subvencións para mellorar a capacidade de innovación das empresas en Galicia mediante a execución de plans de innovación en procesos e organización e/ou plans de deseño para a innovación e a sostibilidade, co obxectivo de aumentar a competitividade e a capacidade innovadora.

Organismo convocante

Igape – Instituto Galego de Promoción Económica.

Beneficiarios

• Pemes con centro de traballo en Galicia: liñas 1 e 2.
• Grandes empresas con centro de traballo en Galicia: unicamente liña 2.

Quedan excluídas, entre outras, asociacións e fundacións sen ánimo de lucro, empresas en crise e entidades incursas en prohibicións para obter a condición de beneficiarias.

Actividades elixibles

Liña 1. Plans de innovación en procesos e organización (só pemes)

• Métodos de fabricación ou produción de bens ou servizos innovadores.
• Sistemas loxísticos ou métodos de entrega ou distribución.
• Métodos de procesamento da información ou comunicación.
• Métodos de márketing.
• Innovación en procesos con beneficios ambientais.
• Testes a escala preindustrial e pilotos de tecnoloxías facilitadoras.
• Creación de departamentos de innovación.
• Deseño de novos procesos de organización.
• Validación mediante pilotos de novos métodos ou metodoloxías orientadas á mellora organizacional, toma de decisións ou xestión de recursos humanos.

Liña 2. Plans de deseño para innovación e sostibilidade (pemes e grandes empresas)
Inclúe deseño circular, deseño dixital asociado ao produto e identidade, envase e embalaxe cando estean ligados ao desenvolvemento dun novo produto.

Subvenciónase a concepción e desenvolvemento de produtos ou servizos novos e, no caso de redeseño dos existentes, sempre que se aprecie unha mellora substancial desde o punto de vista estético, funcional, técnico/produtivo e económico.

Gastos elixibles

• Persoal (propio ou de nova contratación), ata un máximo do 60% do custo subvencionable do plan e un máximo de 5 persoas.
• Subcontratacións (máx. 50% dos custos directos).
• Materiais e subministracións.
• Licenzas de software tipo subscrición ou pago por uso, cando sexan específicas do proxecto.
• Patentes, activos inmateriais e certificacións vinculadas a I+D+i (UNE 166000, entre outras).
• Servizos de asesoramento en materia de deseño e/ou innovación.
• Servizos de apoio á innovación.
• Adquisición de propiedade industrial.
• Equipamento e instrumental (compra ou amortización segundo uso).
• Custos indirectos: 20% sobre os custos directos.

Tipo, cuantía e intensidade da axuda

Orzamento da convocatoria: 4.000.000 €.

Orzamento subvencionable por plan:

• Mínimo: 50.000 €
• Máximo: 250.000 €

Liña 1 – Innovación en procesos e organización (só pemes)

• Intensidade: 50%
• Axuda: de 25.000 € a 125.000 €

Liña 2 – Deseño para innovación e sostibilidade

• Pemes: 50% (25.000 € a 125.000 €)
• Gran empresa:
  • 25% (12.500 € a 62.500 €)
  • Ata o 40% (20.000 € a 100.000 €) se se difunden amplamente os resultados (conferencias, publicacións, etc.).

Anticipo: ata o 70% da subvención concedida.

Presentación de solicitudes

Prazo: do 17/01/2026 ao 17/02/2026.