O Clúster Alimentario de Galicia (Clusaga) organiza o vindeiro xoves 30 de abril, ás 10.00 horas, o Infoday en liña “Convocatoria de proxectos de valorización de biomasa e subprodutos” do proxecto europeo GRAPPA.
O obxectivo do webinar é dar a coñecer as bases da convocatoria para proxectos de valorización de biomasa e subprodutos, sendo beneficiarias as pemes alimentarias.
Este webinar informativo organízase no marco do proxecto europeo GRAPPA, financiado pola iniciativa Euroclusters, impulsada e financiada pola Unión Europea.
Clusaga forma parte do consorcio xunto a outros clústeres agroalimentarios de España, Francia, Bélxica e Grecia.
Inscrición e contacto Para inscribirse, é necesario completar o formulario correspondente. Para calquera consulta adicional, poden contactar a través do correo circular@clusaga.org ou idi@clusaga.org.
