PROALIS+ Webinar | Envases Alimentarios Sostibles: Adaptación á Normativa PPWR e iniciativas innovadoras da cadea de valor

A modernización do sector alimentario esixe transformar a xestión dos subprodutos e excedentes nunha vantaxe competitiva estratéxica. Nun contexto empresarial orientado á eficiencia no uso dos recursos e á descarbonización, a capacidade de medir de forma rigorosa o impacto positivo das accións de sustentabilidade é clave para liderar o mercado actual.

Os envases na industria alimentaria están inmersos nun profundo proceso de transformación orientado a impulsar modelos máis sostibles e circulares. Este cambio vén motivado tanto polas novas esixencias regulamentarias europeas como polo impulso da innovación, tanto nos materiais como no deseño dos envases.

A adaptación a este novo paradigma constitúe non só unha obriga normativa, senón tamén unha oportunidade estratéxica para que o sector alimentario reforce o seu liderado, mellore a súa eficiencia operativa e demostre a súa capacidade de innovación mediante a implantación de solucións que impulsen unha circularidade real e efectiva.

Por estes motivos, as áreas de Sustentabilidade e Innovación do Clúster Alimentario de Galicia (Clusaga), en colaboración con Vegalsa Eroski, organizan esta xornada técnica. A iniciativa enmárcase nas accións do proxecto Hub4Food e da plataforma PROALIS+, promovidas por ambas as comisións de Clusaga.

Contaremos coa visión de Ecoembes, Nauterra, DS Smith, Coreti Etiquetas Adhesivas e Aimplas para ofrecer unha radiografía completa sobre o presente e o futuro do envase alimentario desde todos os elos da cadea de valor.

Obxectivos e contidos da sesión:

• O proxecto Hub4Food (Atlantic Food Innovation Hub), como polo de innovación transnacional que busca impulsar a competitividade e a sustentabilidade da industria agroalimentaria no Espazo Atlántico, ofrece un servizo subvencionado para PEMES centrado no ecodeseño de envases.
• Novidades regulamentarias: claves do novo Regulamento de Envases e Residuos de Envases (PPWR) e criterios para a ecomodulación.
• Medición e trazabilidade: análise do ciclo de vida (ACV) aplicada a envases primarios e caso de aplicación do Pasaporte Dixital de Produto para garantir a trazabilidade e a transparencia da información ambiental.
• Innovación circular e ecodeseño: solucións innovadoras en envase secundario a partir do uso de subprodutos agroalimentarios ou da utilización de métricas circulares, así como a reutilización na etiquetaxe.

Datos do evento:

• Data: 2 de xullo
• Hora: 10:00 h – 12:00 h
• Formato: En liña
• Custo: Gratuíto

A quen vai dirixido:

Esta xornada está especialmente deseñada para responsables de Sustentabilidade, Medio Ambiente, Calidade, Compras e Innovación das empresas do sector alimentario que busquen anticiparse á normativa e liderar a transición cara á circularidade e sustentabilidade dos envases alimentarios.

Non perdas a oportunidade de preparar a túa organización para o futuro da xestión ambiental. Inscríbete agora e asegura a túa praza.

ORGANIZA: