Obxecto da axuda
Ten como obxectivo promover a mellora da competitividade e o nivel de madurez dixital das entidades comprendidas nos segmentos IV e V do artigo 7.2 das Bases Reguladoras (medianas empresas entre 50 e menos de 100 empregados e entre 100 e menos de 250 empregados respectivamente).
Organismo convocante
Ministerio para a Transformación Dixital e da Función Pública.
Beneficiarios
Os beneficiarios teñen que ter o seu domicilio fiscal en territorio español e pertencer a un dos dous segmentos presentados a continuación:
- Segmento IV: Medianas empresas entre 50 e menos de 100 empregados. (Neste segmento inclúense as empresas con menos de 50 empregados que teñan consideración de mediana empresa ao superar o volume de negocios anual e balance xeral anual de 10 millóns de euros).
- Segmento V: Medianas empresas entre 100 e menos de 250 empregados.
Actividades elixibles
Poderán destinarse estas axudas á adopción de solucións de dixitalización cuxo fin sexa substituír ás solucións xa adoptadas polo beneficiario, sempre que supoñan unha mellora funcional. Haberá mellora funcional cando concorran as seguintes circunstancias:
- Que a solución de dixitalización sexa completamente nova e cumpra todos os requisitos mínimos da categoría á que pertence, conforme ao Anexo IV das Bases Reguladoras.
- Que a solución a substituír non cumpra algún dos requisitos mínimos esixidos na mesma categoría de solución de dixitalización correspondente.
Gastos elixibles
Categoría de Solucións de Dixitalización:
- Comercio electrónico.
- Xestión de redes sociais.
- Xestión de clientes.
- Business Intelligence e Analítica.
- Xestión de procesos.
- Xestión da facturación e factura electrónica.
- Servizos e ferramentas de Oficina Virtual.
- Comunicacións seguras.
- Presencia avanzada en internet.
- Servicio de Ciberseguridade Xestionada.
- Xestión de clientes con IA asociada.
- Business Intelligence e Analítica e IA asociada.
- Xestión de procesos con IA asociada.
Tipo, contía e intensidade da axuda
- Tipo: As axudas concedidas no marco desta Convocatoria constitúen axudas de Estado cubertas pola normativa de minimis.
- Contía: O importe máximo total das axudas reguladas na presente convocatoria ascende á cantidade de 350.000.000€.
- Intensidade: O importe máximo de axuda por beneficiario será de 25.000 € para empresas de entre 50 e menos de 100 empregados (ou de menos de 50 sempre que cumpran os requisitos previstos no apartado terceiro da presente convocatoria) e de 29.000 € para empresas de entre 100 e menos de 250 empregados, ao estar dirixidas unicamente aos Segmentos IV e V.
Presentación de solicitudes
As solicitudes serán realizadas polo solicitante, o seu representante legal ou un representante voluntario que conte coa súa autorización, e presentaranse unicamente polo formulario automatizado, habilitado na Sede Electrónica de Red.es, o cal tamén será accesible dende a plataforma Acelera Pyme (https://www.acelerapyme.gob.es/) ata o 30 de xuño de 2025 ás 11:00 horas, ou cando se esgote o crédito orzamentario.
Para aquelas solicitudes que sexan presentadas polos representantes voluntarios, deberase aportar, xunto á solicitude, a autorización de representación voluntaria, segundo o modelo establecido no Anexo II da presente Convocatoria e descargable na Sede Electrónica de Red.es, firmada polo solicitante da axuda. Este modelo firmarase exclusivamente mediante un sistema de firma electrónica ou sistema PIN OTP.
