Obxecto da axuda
A finalidade destas axudas é a de incentivar o uso de servizos para o desenvolvemento tecnolóxico e a innovación polas pequenas e medianas empresas (pemes), en especial, polas pertencentes a sectores tradicionais non intensivos en innovación.
Organismo convocante
Convocado polo Instituto Galego de Promoción Económica (Igape).
Beneficiarios
Pemes galegas ou cun centro de traballo en Galicia.
Actividades elixibles
Existen 6 modalidades de tickets Innova:
- Estratexia e xestión da innovación.
- Deseño para a innovación.
- Xestión da protección do coñecemento da innovación.
- Certificacións para as deducións fiscais en I+D+i.
- Preparación de propostas a programas e axudas europeas.
- Deseño de novos procesos ou servizos baseados en tecnoloxías dixitais emerxentes.
Gastos elixibles
Serán subvencionables os custos de contratación de servizos externos especializados en materia de innovación e desenvolvemento tecnolóxico (empresas especializadas en innovación e centros tecnolóxicos) efectuados desde o 1 de xaneiro de 2025 ata a data da solicitude da axuda.
- a) Estratexia e xestión da innovación.
– Estudos de viabilidade tecnolóxica e industria.
– Estudos de vixilancia tecnolóxica e estado da técnica.
– Auditoría/consultaría en produto/servizo.
– Estudos de mercado, ensaios, análises e validación experimental de novos prototipos de novos produtos e/ou servizos, procesos piloto, novos métodos ou materiais.
– Obtención de certificacións de normas oficiais vinculadas á actividade innovadora.
– Asesoramento para a identificación, monitorización e acompañamento de licitacións de CPI (compra pública de innovación).
– Actividades de deseño industrial, enxeñaría e posta a punto de novos sistemas de produción vinculados a novos produtos, procesos ou servizos diferenciadores.
- b) Deseño para a innovación.
– Conceptualización e deseño de novos produtos e servizos diferenciais.
– Deseño de marca e identidade corporativa.
- c) Xestión da protección do coñecemento da innovación.
– Asesoramento na xestión da protección do coñecemento da innovación industrial, patentes, marcas comerciais e deseños industriais, etc.
- d) Certificacións para as deducións fiscais en I+D+i.
- e) Preparación de propostas a programas e axudas europeas.
- f) Deseño de novos procesos ou servizos baseados en tecnoloxías dixitais emerxentes.
– Realidade aumentada, a impresión 3D, a automatización avanzada e robótica, así como internet das cousas ou sistemas intelixentes embebidos.
– Sistemas de intelixencia artificial (intelixencia de negocio, big data e similares).
– Ciberseguridade.
Tipo, cuantía e intensidade da axuda
- Tipo: en réxime de minimis.
- Contía: O importe mínimo de gasto subvencionable deberá acadar os 10.000 € ata 60.000 €. E será unha subvención de 8.000 € ata 48.000 €.
- Intensidade: Concederase unha axuda do 80 %, ata un máximo de 48.000 €, para os gastos realizados pola empresa beneficiaria durante o período subvencionable.
Presentación de solicitudes
O prazo de presentación de solicitudes finaliza o 30 de setembro de 2025 ata as 14h e pode realizarse a través da seguinte ligazón: https://www.igape.gal/gl/oficinavirtual
