Obxecto da axuda
Financiar proxectos de aforro e eficiencia enerxética nas empresas galegas.
Organismo convocante
Convocado polo Instituto Enerxético de Galicia (INEGA).
Beneficiarios
- As empresas legalmente constituídas e autónomos que teñan domicilio social ou algún centro de traballo en Galicia.
- As empresas de servizos enerxéticos que xestionen total ou parcialmente instalaciones consumidoras de enerxía e que o obxecto destes contratos de servizos sexa a consecución de aforro económico derivado dun menor consumo de enerxía.
Actividades elixibles
- Liña PAPEME – Proxectos de aforro e eficiencia enerxética en pemes: Proxectos que xustifiquen ratios de aforro enerxético iguales ou superiores a 0,2 kWh/€ de aforro enerxético de enerxía final e de enerxía primaria por euro de inversión elixible.
- Liña PAGE – Proxectos de aforro e eficiencia enerxética en grandes empresas: Proxectos que xustifiquen ratios de aforro enerxético iguales ou superiores a 0,3 kWh/€ de aforro enerxético de enerxía final e de enerxía primaria por euro de inversión elexible.
- Liña PAE – Proxectos de aforro e eficiencia enerxética en pemes ou grandes empresas que reduzan as emisións de GEI en, polo menos, un 30 %: Proxectos que xustifiquen ratios de aforro enerxético iguales ou superiores a 0,1 kWh/€ de aforro enerxético de enerxía final e de enerxía primaria por euro de inversión elixible e que, ademais, reduzan polo menos un 30 % as emisións de GEI.
- Liña PAP – Proxectos de aforro e eficiencia enerxética en infraestruturas públicas: Proxectos que xustifiquen ratios de aforro enerxético iguales ou superiores a 0,2 kWh/€ de aforro enerxético de enerxía final e de enerxía primaria por euro de inversión elixible.
Gastos elixibles
Considéranse custos subvencionables a elaboración dos proxectos técnicos, dirección facultativa e obra civil relacionados coas actuacións, o prezo dos equipos, a súa montaxe e posta en marcha, así como os sistemas de monitorización, contabilización e telexestión e as auditorías.
Tipo, contía e intensidade da axuda
- Tipo: Subvención. Réxime de minimis.
A intensidade da axuda en función do regulamento de aplicación será a indicada nos seguintes subapartados:
a) Solicitudes acollidas ao Regulamento (UE) nº 2023/2831 de minimis (empresas con actividade de transformación e comercialización de produtos da pesca e da acuicultura):
1º. A contía da subvención será do 35 % do custo subvencionable da actuación. A intensidade da axuda incrementarase un 20 % no caso de axudas concedidas a pequenas empresas e un 10 % no caso de medianas empresas.
b) Solicitudes acollidas ao Regulamento (UE) nº 651/2014 (Regulamento xeral de exención por categorías), destinadas a medidas de eficiencia enerxética en edificios.
A contía da subvención será do 20 % do custo subvencionable da actuación. A intensidade da axuda incrementarase un 20 % no caso de axudas concedidas a pequenas empresas e un 10 % en caso de medianas empresas.
c) Solicitudes acollidas ao Regulamento (UE) nº 651/2014 (Regulamento xeral de exención por categorías), destinadas a medidas de eficiencia enerxética distintas das dos edificios.
A contía da subvención será do 35 % do custo subvencionable da actuación. A intensidade da axuda incrementarase un 20 % no caso de axudas concedidas a pequenas empresas e un 10 % no caso de medianas empresas.
- Establécese unha axuda máxima por expediente de 300.000€, no caso de acollerse ao Regulamento (UE) nº 2023/2831 de minimis e de 1.000.000€ no caso de acollerse ao Regulamento (UE) nº 651/2014 (Regulamento xeral de exención por categorías).
- A axuda máxima por entidade beneficiaria no conxunto da convocatoria será de 2.000.000,00€.
Presentación de solicitudes
As solicitudes presentaranse obrigatoriamente por medios electrónicos a través do formulario normalizado accesible dende a sede electrónica da Xunta de Galicia, https://sede.xunta.gal, e na páxina web do Inega ata o 15 de setembro de 2025, ás 23.59 horas.
