Obxecto da axuda
Posta en marcha de novos proxectos empresariais que requiran o uso de tecnoloxía ou coñecementos desenvolvidos a partir da actividade investigadora e nos que a estratexia de negocio se base no desenvolvemento de tecnoloxía, rescatando para iso aqueles proxectos presentados ás convocatorias de referencia (Programa Neotec) que superaron os limiares mínimos recollidos nas devanditas convocatorias dos anos 2023 e 2024 pero que non adquiriron a condición de beneficiarias por insuficiencia de crédito.
Organismo convocante
Convoca a Axencia Galega de Innovación (GAIN).
Beneficiarios
Pequenas empresas innovadoras que, presentando unha solicitude de axuda ás convocatorias de referencia, resultasen desestimadas por insuficiencia de orzamento dispoñible para financiar o proxecto con cargo á devandita convocatoria conforme ás Resolucións definitivas da Presidencia do CDTI das convocatorias do programa NEOTEC dos anos 2023 e 2024.
Actividades elixibles
Financiaranse as actividades relativas á posta en marcha de novos proxectos empresariais, que requiran o uso de tecnoloxías ou coñecementos desenvolvidos a partir da actividade investigadora e nos que a estratexia de negocio se base no desenvolvemento propio de tecnoloxía, de calquera ámbito tecnolóxico e/ou sectorial.
As axudas solicitaranse para actuacións anuais ou plurianuais, sendo a duración de 12 meses (1 ano) ou 24 meses (2 anos).
Gastos elixibles
- Investimentos en equipos.
- Gastos de persoal.
- Colaboracións externas / asesoría.
- Outros custos: alugueres, subministracións, canons e licenzas, gastos de solicitude e mantemento.
Tipo, contía e intensidade da axuda
- Tipo: Subvención e entrega dineraria sen contraprestación en forma de concorrencia competitiva canónica.
- Contia: 250.000€ ou 325.000€ se unha das actuacións inclúe a contratación laboral de polo menos un doutor.
- Intensidade: 60%
Presentación de solicitudes
As solicitudes presentaranse obrigatoriamente por medios electrónicos a través do formulario normalizado (Anexo I) dispoñible na sede electrónica da Xunta de Galicia: https://sede.xunta.gal ata o 22 de setembro de 2025.
