ICEX eMarketServices lanzou un novo servizo de consultoría estratéxica co obxectivo de facilitar ás empresas a elaboración dun Plan Estratéxico de Venda Online Internacional Personalizado, que estableza as liñas estratéxicas e as accións concretas a acometer, incluíndo plataformas recomendadas e a estimación total de custos que todo o proceso terá para a entidade.
En total, este servizo sumará 122 horas de consultoría entre as que se inclúen 10 horas de formación sobre aspectos necesarios para a posta en marcha do Plan Estratéxico de Venda Online Internacional, e unha axuda á implementación cunha bolsa de 6 horas dos consultores para solucionar dúbidas e consultas.
Que inclúe o servizo de consultoría?
- Un informe de análise da empresa e a súa contorna, para coñecer a situación de partida en canto á xestión empresarial e os aspectos relacionados co eCommerce e en relación aos principais competidores
- Informe coas liñas estratéxicas e os obxectivos para conseguir co Plan.
- Plan Estratéxico de Venda Online Internacional a dous anos, coas accións concretas a realizar por parte da empresa para lograr conseguir os obxectivos estratéxicos con éxito, co detalle de como executalos para que sirva de guía paso a paso.
- 10 horas de formación en cuestións relacionadas coa posta en marcha do Plan.
- 6 horas de asesoramento tras a entrega do Plan que permitan resolver dúbidas que poidan xurdir no proceso de posta de marcha.
Quen pode solicitar este servizo?
O servizo diríxese a empresas que fabriquen, produzan ou comercialicen produtos ou marcas e
españolas, con máis de 3 anos de actividade, experiencia internacional ou ben en venda online e capacidade económica suficiente para facer fronte ao proceso de internacionalización online. O seu custo é de 1.000 €.
Como inscribirse e prazos de solicitude
O proceso de preinscrición debe realizarse a través da web de ICEX eMarketServices e finaliza o luns, 1 de xuño, ás 23:59 horas.
Para calquera dúbida, contactar no email informacion@icex.es ou no teléfono +34 91 349 7100.
