Obxecto da axuda
Subvencións directas de capital para a adquisición de bens de equipamento novos destinadas a proxectos de investimento en actividades empresariais non agrícolas en zonas rurais, co obxectivo de mellorar, ampliar ou modernizar estruturas produtivas ou de servizos e reforzar o tecido socioeconómico e a fixación de poboación.
Organismo convocante
Agader – Axencia Galega de Desenvolvemento Rural.
Beneficiarios
- Pequenas empresas, con menos de 50 empregados e volume de negocio ou balance xeral anual non superior a 10 millóns de euros, constituídas antes do 01/09/2025.
- Persoas físicas autónomas residentes en zonas rurais.
- Titulares de explotacións agrarias prioritarias ou os seus familiares que diversifiquen cara actividades non agrícolas.
- Importante: As persoas beneficiarias deberán estar ao corrente das súas obrigas tributarias e coa Seguridade Social.
Actividades elixibles
- Adquisición de bens de equipamento novos necesarios para o desenvolvemento de actividades produtivas non agrarias.
- Sectores admitidos:
- Industrias, incluída a segunda transformación da madeira.
- Transformación e comercialización de produtos agrarios, para proxectos cun orzamento inferior a 100.000 €.
- Servizos sociais.
- Actividades de lecer.
- Artesanía.
- Enxeñaría e servizos técnicos.
- Comercio polo miúdo.
Gastos elixibles
Gastos derivados da adquisición de bens de equipamento novos necesarios para o desenvolvemento das actividades empresariais non agrícolas subvencionables.
Tipo, cuantía e intensidade da axuda
- Orzamento da convocatoria: 2.700.000 €.
- Intensidade da axuda: 50 % dos gastos subvencionables.
- Orzamento elixible dos proxectos: entre 20.000 € e 300.000 €.
- Importe máximo da axuda por beneficiario: 300.000 € nun período de tres exercicios fiscais, conforme ao réxime de axudas de minimis.
Presentación de solicitudes
Prazo: 20/01/2026 00:00 ao 19/02/2026 23:59.
