Webinar «Desenvolvemento lexislativo en materia de envases no ámbito da Economía Circular»

O Clúster Alimentario de Galicia (Clusaga) organiza o vindeiro 9 de febreiro, ás 10.00 horas, o webinar de información e debate «Desenvolvemento lexislativo en materia de envases no ámbito da Economía Circular», no que se analizarán os novos requisitos da Unión Europea que conforman o Paquete de Economía Circular e que establecen obxectivos e medidas concretas para envasadores, distribución, posuidores, administracións e consumidores.

Para cumprir con ditos requisitos, a actual normativa en vigor foi revisada polo proxecto de Real Decreto de envases e residuos de envase e a Lei de Residuos propostos polo MITECO (Ministerio para a Transición Ecolóxica). Para analizar estas novidades, no evento participarán expertos na área do dereito ambiental e representantes de organizacións e empresas dos sectores alimentario de distribución e da reciclaxe y xestión.

Programa

A benvida á xornada correrá a cargo de Roberto Alonso, xerente do Clúster Alimentario de Galicia e, a continuación, abordaranse as novidades do RD de Envases e residuos de envases e implicacións, a cargo de José Pernas, profesor de Dereito Administrativo da UDC e experto en materia de dereito ambiental.

O evento cerrarase coa mesa redonda e debate aberto sobre implicacións nos sectores de envase e alimentarios, que contará coa participación de Estefania Iglesias,  directora de Sustentabilidade Capsa Food Larsa; Julio López, xerente do Departamento de Relacións Institucionais en ECOEMBES; Sandra Anguiano, directora de Asuntos Públicos e Relacións Institucionais de ECOVIDRIO; e Cinta Bosch, responsable de sustentabilidade en AECOC.

Inscricións

O encontro está dirixido a fabricantes alimentarios e de bebidas, fabricantes de envases e embalaxes e empresas de gran distribución, que poden inscribirse a través do botón que aparece a continuación.

Detalles da programación de eventos

  • 9 Febreiro 2022
Compartir
Engadir ao Calendario