Clusaga organiza o webinar “Tendencias de innovación de produtos no sector lácteo”, que terá lugar o mércores 6 de maio ás 11:00h.
O obxectivo desta sesión en liña é dar a coñecer as tendencias de innovación de produtos no sector lácteo. Este webinar forma parte do servizo “Informes subsectoriais sobre tendencias de innovación de produtos” dentro do catálogo de servizos de apoio á innovación, subvencionados a través do proxecto Hub4Food.
Este encontro organízase no marco do proxecto europeo Hub4Food (Atlantic Food Innovation Hub), coordinado por Clusaga. Cada un dos clústeres participantes en Hub4Food (BIA Innovator Campus – Irlanda, Clusaga – España, InovCluster – Portugal e Valorial – Francia) preparou o seu propio catálogo de servizos para apoiar ás pemes alimentarias das súas rexións nos seus procesos de innovación. Hub4Food está cofinanciado por Interreg Atlantic Area.
