Webinar “Panadaría. Tendencias actuais e innovacións”

O Clúster Alimentario de Galicia (Clusaga) organiza o vindeiro 13 de xaneiro, ás 9.30 horas, o webinar “Panadaría: Tendencias actuais e innovacións”. Este evento forma parte do proxecto europeo AHFES e enmárcase no ciclo de encontros online sobre tendencias en alimentación saudable.

Trátase dunha oportunidade para coñecer as principais tendencias do consumidor neste ámbito, as tendencias de mercado e as oportunidades de innovación en galletas de aperitivo, galletas doces ou pans e mesturas para panificación, poñendo o foco na saúde.

Durante o webinar exporase o caso de éxito de Las Galletas Marineras – Lugar da Veiga da man de Ana Seijo, coordinadora de I+D+i da empresa e técnica do Sistema de Xestión. Para pechar o webinar terá lugar o turno de preguntas e un posible debate, para rematar coas conclusións da sesión.

As persoas interesadas en inscribirse a este webinar, poden facelo a través do formulario que atoparán a continuación

AHFES, proxecto europeo liderado por Clusaga

AHFES – A quadruple helix Atlantic Area healthy food ecosystem for growth of SMEs é un proxecto europeo financiado polo programa Interreg Espacio Atlántico, e coordinado por Clusaga. Ten dous obxectivos fundamentais. Por unha banda, fortalecer a colaboración entre clústeres nas rexións da área atlántica e, por outro, mellorar a innovación, a competitividade e o crecemento das pemes de alimentos e bebidas saudables para aliñar os seus produtos coas necesidades e expectativas dos consumidores, a través de servizos e formación.

Detalles da programación de eventos

  • 13 Xaneiro 2022
Compartir
Engadir ao Calendario