Programa Formativo Sectorial

Programa Formativo Sectorial

Formación para mellorar a produtividade, competitividade e cualificación dos profesionais do sector alimentario.

O Clúster Alimentario de Galicia aposta pola formación empresarial como medio de apoio á mellora da produtividade, competitividade e cualificación dos profesionais que integran as empresas do sector alimentario. Por iso, actúa como facilitador para que os traballadores adquiran novos coñecementos e habilidades e se adapten aos últimos avances sectoriais, novas tecnoloxías ou metodoloxías de traballo innovadoras.

Deste xeito, Clusaga, en consonancia coa súa aposta polo talento, impulsa un programa de actividades formativas para empresas do sector alimentario, unha iniciativa que se enmarca no seu Plan de Formación 2024 e para a que conta co apoio do Ministerio de Educación, Formación Profesional. Formación e Deportes e a Consellería de Emprego e Promoción da Igualdade, enmarcados dentro do Plan de Recuperación, Transformación e Resiliencia dos fondos Next Generation EU.

Calendario 2024. Mandos Intermedios

Cursos

  • Curso de Especialización en Xestión da Innovación Empresarial

    Este curso persegue o obxectivo de afondar nos conceptos de investigación, desenvolvemento e innovación, analizando e avaliando plans e estratexias referidas ás novas tecnoloxías

  • Curso en Desenvolvemento de Novos Produtos Alimentarios

    O obxectivo é proporcionar coñecementos, habilidades e ferramentas para comprender e aplicar procesos de innovación na creación e mellora de produtos alimentarios, adaptados ás tendencias do mercado actual

  • Curso en Tecnoloxía de Produtos Lácteos

    O obxectivo xeral é promover o coñecemento sobre a calidade do leite, a súa estrutura e a súa composición, coñecementos fundamentais na transformación desta en produtos lácteos; así como afondar nas tecnoloxías e procesos que se aplicarán durante a mesma.

  • Curso de Xestión de Crises Alimentarias (III)

    Co presente curso coñecerase como son as alertas de seguridade en alimentos, as súas características, como funcionan os mecanismos oficiais para a súa xestión e posterior vixilancia e aprenderase a poñer en marcha un plan de xestión de crises a nivel de empresa aplicando boas prácticas.

  • Curso de Xestión de Crises Alimentarias (II)

    Co presente curso coñecerase como son as alertas de seguridade en alimentos, as súas características, como funcionan os mecanismos oficiais para a súa xestión e posterior vixilancia e aprenderase a poñer en marcha un plan de xestión de crises a nivel de empresa aplicando boas prácticas.

  • Curso en Sustentabilidade e Estratexia ESG

    O Curso permitirá analizar os riscos e oportunidades do sistema ESG e completará unha revisión dos distintos marcos, normativas e estándares no eido da sustentabilidade. Así mesmo, facilitará unha Folla de Ruta para deseñar, implantar e reportar unha estratexia ESG na empresa.

  • Curso de Xestión e Control da Calidade Alimentaria

    O Curso de Xestión e Control da Calidade Alimentaria  persigue a especialización en seguridade alimentaria con fin de poder desempeñar funcións de desenvolvemento, implantación e mellora de mecanismos de seguridade e inspección alimentarios.

  • Curso de Xestión Comercial Avanzada

    O Curso de Xestión Comercial Avanzada ten como obxectivo mellorar e actualizar a xestión comercial das empresas de alimentación e bebidas no seu negocio.

0GL