Innovación e I+D

O Impulso da I+D+i e reforzo da capacidade innovadora estableceuse como eixo do Plan Estratéxico do Clúster Alimentario de Galicia, asociado a dous obxectivos:

1. Desenvolver a cultura da innovación e favorecer a difusión e aplicación do coñecemento no sector alimentario galego, mediante a cooperación entre empresas e centros tecnolóxicos e de investigación.
2. Impulsar a creación de valor na cadea alimentaria de Galicia, a través do desenvolvemento de novos produtos e/ou procesos e a aposta pola seguridade e calidade dos alimentos.

As medidas de actuación, ademais do desenvolvemento de servizos de apoio á innovación e da promoción da cultura de cooperación entre empresas e centros tecnolóxicos e de investigación, definen tres ámbitos de actuación:

• Alimentos innovadores, seguros e saudables, adaptados ás tendencias do consumo.
• Novos procesos e tecnoloxías no sector alimentario integrados na bioeconomía.
• Sistemas intelixentes de xestión e novos modelos de comercialización máis flexibles.

O impulso e dinamizacion de proxectos cooperativos nestes ámbitos desenvólvese no marco de catro grupos de traballo:

1. Innovación en alimentos e ingredientes innovadores, seguros e saudables adaptados as tendencias de consumo.
2. Novos modelos produción e comercialización. Innovación en procesos e tecnoloxías. Dixitalización.
3. Sustentabilidade, economía circular e bioeconomía.
4. Loxística e distribución. Packaging innovador, sustentable e adaptado as tendencias consumo.