Sustentabilidade

Sustentabilidade

Clusaga desenvolve accións para impulsar a sustentabilidade vencellada á innovación aberta na cadea de valor.

O pulo da sustentabilidade e incorporación das empresas á economía circular e á bioeconomía é un dos eixos do Plan Estratéxico do Clúster Alimentario de Galicia. Dentro dos obxectivos estratéxicos relacionados coa sustentabilidade atópanse:

• Incorporar ás empresas da agrupación industrial á estratexia da economía circular e á bioeconomía para favorecer a transición de cara a un sector máis sustentable.
• Impulsar o desenvolvemento de novos procesos e produtos sustentables e alimentos saudables e seguros, así como favorecer un consumo máis responsable.

As líñas temáticas priorizadas dentro do marco do eixo estratéxico de sustentabilidade son a redución e xestión sustentable dos residuos, a redución de desperdicios alimentarios, a produción sustentable (abastecemento sustentable, cálculo da pegada ambiental e optimización do uso dos recursos). Tamén se realizan actuacións relacionadas coa enerxía, enfocadas á redución do consumo e impulso de fontes alternativas; á valorización dos subprodutos; e á minimización do impacto ambiental dos envases.