O proxecto Export Plus busca desenvolver un novo sistema de apoio para a internacionalización das pemes artesanas agroalimentarias da Eurorrexión. Export Plus aspira a axudar a pemes e micropemes a transitar cara a competitividade global, para mellorar non só a competitividade local, rexional e internacional, senón tamén para desenvolver unha oferta innovadora que se adapte ao mercado internacional actual. Con isto lograrase optimizar a competitividade e rendibilidade das empresas e, ao tempo, potenciar a sustentabilidade medioambiental das contornas nas que operan. Así, o proxecto Export Plus traballa en aras de mellorar a competitividade empresarial e territorial da Eurorrexión.
Algunhas das actividades previstas son a selección de empresas e conformación dun catálogo comercial con produtos, o establecemento de representantes comerciais en diferentes mercados, a posta en marcha dun sistema loxístico, ou a participación en accións de promoción internacional, entre as que salientan feiras, misións inversas e promocións en puntos de venda.
Cofinanciado polo Fondo Europeo de Desarrollo Regional (FEDER), no marco do Programa Interreg V A España-Portugal (POCTEP), o consorcio do proxecto Export Plus, coordinado por Landaluz, reúne a Clusaga, Andanatura, NERE, AEBB e AIP-Diece. Ademais, o proxecto establece un marco de colaboración con Agacal co obxectivo de impulsar a participación de empresas galegas artesanais nas distintas actividades.
Obxectivos específicos:
- Creación dunha Rede de Cooperación Transnacional de Entidades para a posta en marcha e implementación dp Sistema de Apoio á Internacionalización das pemes e micropemes artesanas agroalimentarias.
- Transferencia do Sistema creado ao tecido empresarial a través da capacitación en metodoloxías innovadoras de internacionalización de produtos artesanais agroalimentarios a través da venda interpretada, conseguindo aumentar o volume de exportacións da Eurorrexión.
- Avaliación e transferencia do sistema creado e dos resultados ás institucións de interese.
