O Clúster Alimentario de Galicia organiza, co apoio do Instituto Galego de Promoción Económica (Igape), unha misión comercial directa dirixida ao mercado estadounidense, unha iniciativa estratéxica para impulsar a internacionalización das empresas galegas do sector PET.
Esta acción ten como obxectivo facilitar o contacto directo entre empresas galegas e compradores profesionais no marco da feira SuperZoo en Las Vegas, o evento líder do sector en América do Norte. A iniciativa permite xerar novas oportunidades de negocio, acceder a mercados de alto potencial, detectar tendencias globais e comprender as dinámicas comerciais e regulatorias propias deste mercado.
A misión estrutúrase como unha plataforma de prospección e desenvolvemento comercial, permitindo ás empresas participantes realizar visitas profesionais aos principais expositores, manter reunións con distribuidores e grandes cadeas de retail, realizar benchmarking de competidores e validar a aceptación dos seus produtos —especialmente nos segmentos premium, funcional e human-grade— por parte de compradores profesionais estadounidenses.
Esta iniciativa enmárcase nas axudas para a execución de accións de promoción exterior conxunta das empresas galegas (Accións de Promoción Internacional - Tipoloxía 3), cofinanciadas pola Unión Europea. O proxecto foi promovido por el Clúster Alimentario de Galicia (Exp. IG421A-2025-000-000019).
