Misións Comerciais Inversas: O programa contempla a organización de tres accións estratéxicas de captación de compradores internacionais, centradas nos mercados de Norteamérica (celebrada en marzo), así como as de Illas Británicas e Europa Central. Estas misións facilitan o contacto directo entre as nosas empresas e importadores estratéxicos, favorecendo novas oportunidades de negocio mediante reunións B2B e, nalgúns casos, visitas a plantas de produción en Galicia para reforzar a confianza e o coñecemento dos procesos produtivos.
Intelixencia Competitiva Internacional: Para dotar ao sector de ferramentas de análise, o proxecto inclúe a subscrición á plataforma Innova Market Insights. Este servizo de bases de datos sectoriais ofrece intelixencia competitiva de vangarda, permitindo ás empresas galegas acceder a información clave sobre tendencias globais, hábitos de consumo e dinámicas de mercado, facilitando así a toma de decisións baseadas en datos para a súa expansión exterior.
Con este conxunto de iniciativas, o Clúster Alimentario de Galicia reafirma o seu compromiso co crecemento do sector, proporcionando ás empresas tanto contactos comerciais de alto valor como os recursos tecnolóxicos e de coñecemento necesarios para competir con éxito nos mercados internacionais.
(Proxecto promovido polo Clúster Alimentario de Galicia - Exp. IG421A-2025-000-000004)
