A visión de NEXADA é explotar o potencial de I+D e innovación presente no nexo das tecnoloxías da auga e dixitalización para dar resposta aos desafíos e necesidades do sector alimentario relacionados co desenvolvemento sustentable deste sector (cun enfoque principal nos subsectores lácteo, mar-industria e bebidas) en canto á súa xestión do ciclo da auga. A colaboración entre os axentes dos sectores da auga e dixital ha de incentivar a creación de novas solucións innovadoras que, á súa vez, van permitir ás empresas alimentarias superar os desafíos e barreiras actuais para obter un maior control e eficiencia do seu ciclo da auga. Estas melloras vanse traducir nun maior aforro para as empresas (tanto en termos de auga como de enerxía, consumo de auga ou reactivos) e un incremento da súa sustentabilidade, así como do seu posicionamento de marca.
NEXADA es un proxecto promovido por tres Agrupacións Empresariais Innovadoras (AEIs) de diferentes sectores e comunidades autónomas: Clúster Alimentario de Galicia (Clusaga), Catalan Water Partnership (CWP) e Asociación de Industrias de Conocimiento y Tecnología Aplicada de Euskadi (GAIA). Esta iniciativa recibe financiación da convocatoria 2022b do programa de apoio ás Agrupacións Empresariais Innovadoras (AEI) do Ministerio de Industria, Comercio y Turismo e está coordinado polo Clúster Alimentario de Galicia (Clusaga).
Así, o obxectivo principal de Nexada é impulsar proxectos empresariais de I+D e innovación que exploten as sinerxías existentes no nexo auga-dixital-alimentación, para ofrecer solucións de alto valor engadido a usuarios finais do sector alimentario (principalmente subsectores lácteo, mar-industria e bebidas) que as apoien no seu desenvolvemento sustentable.
Obxetivos específicos de NEXADA
Para maximizar este potencial de colaboración entre o sector da auga e o dixital e dar resposta así aos desafíos do sector alimentario, na execución do proxecto perseguiranse os seguintes obxectivos específicos:
- Explorar os retos da auga e da dixitalización das empresas alimentarias en relación coas súas características e subsectores priorizados (lácteo, mar-industria e bebidas).
- Identificar puntos de mellora nos procesos das empresas alimentarias que se poidan reforzar mediante a implantación de I+D e innovación.
- Mapear a gama de solucións de auga e dixitais que se poden implantar (ou, no seu caso, replicar) para mellorar os procesos das empresas alimentarias.
- Maximizar o valor para as empresas alimentarias das tecnoloxías do sector da auga mediante a súa mellora mediante a dixitalización.
- Fomentar a colaboración entre os sectores da auga, o dixital e a alimentación no proxecto de elaboración de proxectos de I+D e innovación a gran escala con enfoque na mellora da sustentabilidade.
Polo tanto, o principal resultado deste proxecto será a definición e deseño de proxectos de I+D e innovación enfocados á mellora da sustentabilidade da industria alimentaria, susceptibles de ser presentados ás vindeiras convocatorias da liña 3 – Programa Tecnoloxías Dixitais das Agrupacións Empresariais Innovadoras, ou a outras convocatorias de interese.