SIIOMA é un proxecto de investigación industrial centrado no desenvolvemento de axentes baseados en intelixencia artificial para asistir en operacións de mantemento e produción mediante interfaces en linguaxe natural conectadas a sistemas de xestión empresarial. O proxecto busca optimizar a xestión e o acceso ao coñecemento técnico para mellorar a competitividade industrial e as condicións laborais, e conta cun consorcio composto por nove entidades que combinan coñecemento sectorial e capacidade tecnolóxica: dúas Agrupacións Empresariais Innovadoras (CLUSAGA e DIHGIGAL) e sete empresas (PANIAGUA, CAMBADOS, BARRAL, SNOP, ASM, LOGICMELT e MEDRAR).
Obxectivos
- Analizar e caracterizar os procesos industriais de mantemento e calidade en contornos reais.
- Desenvolver unha arquitectura de referencia que permita integrar axentes LLM en contornos diversos.
- Desenvolver e adaptar axentes intelixentes con capacidades explicativas e operativas a pé de planta.
- Validar en planta os axentes en condicións reais, avaliando o seu rendemento e o valor engadido aportado.
Impacto
O proxecto pretende dotar á industria dunha “capa intelixente” que centralice e interprete o coñecemento técnico que actualmente adoita estar fragmentado e disperso en manuais, históricos de fallos ou informes.
Consorcio do proxecto
- Empresas agroalimentarias: PANIAGUA (HPaniagua S.L.), CAMBADOS (Conservas de Cambados SL) e BARRAL (Queixería Barral SL).
- Empresa do sector automoción: SNOP (SNOP Estampación SA).
- Empresas tecnolóxicas: ASM (ASM Soft SL) e LOGICMELT (Logicmelt Technologies, S.L.).
- Empresas especializadas en sustentabilidade e innovación: MEDRAR (Medrar Smart Solutions SL).
AEI: CLUSAGA (entidade líder) e DIHGIGAL (entidade colaboradora).
Beneficios
SIIOMA mellorará a eficiencia industrial mediante o uso de intelixencia artificial para optimizar o mantemento, a calidade e a xestión do coñecemento técnico, reducindo tempos de resposta e erros, aumentando a dispoñibilidade dos equipos e favorecendo a sustentabilidade e a autonomía dos traballadores a través de ferramentas baseadas en linguaxe natural.
Financiamento
SIIOMA recibe financiamento da convocatoria 2025 do programa de apoio ás Agrupacións Empresariais Innovadoras (AEI) do Ministerio de Industria e Turismo, e está coordinado polo Clúster Alimentario de Galicia (Clusaga).
