SIMBA - Clúster Alimentario de Galicia

O proxecto SIMBA consiste no desenvolvemento dunha plataforma de intelixencia colaborativa deseñada para fomentar a simbiose industrial entre os sectores agroalimentario e biotecnolóxico. A través de ferramentas de dixitalización avanzada, como a intelixencia artificial e a análise de datos, esta iniciativa busca transformar residuos e subprodutos en recursos valiosos para crear modelos de negocio sostibles. O consorcio, apoiado polo Ministerio de Industria e Turismo, integra un total de 7 entidades: CLUSAGA, BIOGA, KAT, IG MONTES, TRIPLEALPHA, MEDRAR e ODS. Este grupo multidisciplinar permite conectar directamente aos xeradores de subprodutos (sector alimentario) cos provedores de tecnoloxía e solucións de valorización (sectores tecnolóxico e biotecnolóxico).

Obxectivos

Identificar variables clave de subprodutos e tecnoloxías para facilitar conexións eficientes de valorización.
Desenvolver un sistema automatizado que detecte oportunidades viables de simbiose industrial.
Crear un dashboard interactivo cun asistente conversacional para analizar e xestionar información.
Validar a plataforma nun contorno industrial real acadando un nivel TRL 5.
Deseñar a plataforma xunto cos axentes do sector para garantir a súa utilidade e escalabilidade.

Impacto

O proxecto pretende dotar ao sector agroalimentario e biotecnolóxico de ferramentas dixitais avanzadas que impulsen a economía circular, optimicen a valorización de residuos e melloren a competitividade, a sustentabilidade e a transformación dixital das empresas.

Consorcio do Proxecto

Empresas agroalimentarias: KAT e IG MONTES.
Empresas tecnológicas: TRIPLEALPHA y MEDRAR.
Empresas biotecnológicas: ODS.
AEI: Clusaga (entidad solicitante) y BIOGA (colaboradora).

Beneficios

A integración destas tecnoloxías permite unha solución flexible e escalable que facilita a valorización de subprodutos, reduce custos e o impacto ambiental e mellora a eficiencia e competitividade das empresas, especialmente das pemes dos sectores agroalimentario e biotecnolóxico.

Financiamento

SIMBA recibe financiamento da convocatoria 2025 do programa de apoio ás Agrupacións Empresariais Innovadoras (AEI) do Ministerio de Industria e Turismo, e está coordinado polo Clúster Alimentario de Galicia (Clusaga).