Goberno e equipo

A dirección e administración da asociación serán exercidas polo/a Presidente/a, a Xunta Directiva e a Asemblea Xeral. A Xunta Directiva, específicamente, terá, entre outras, as seguintes atribucións:

1. Programar e dirixir as actividades asociativas. Propoñendo o plan de actuación da asociación á Asemblea Xeral para a súa aprobación, impulsando e dirixindo o mesmo.
2. Levar a xestión administrativa e económica da asociación. Sometendo á aprobación da Asemblea Xeral o orzamento anual, así como o estado de contas.
3. Designar as comisións de traballo ou seccións que se consideren oportunas para o adecuado funcionamento da asociación.
4. Ditar normas interiores de organización e resolver sobre as solicitudes de ingreso de novos asociados.

A asociación será xestionada por esta área baixo a direccion administrativa – financeira do xerente que, asemade, executará os acordos da Xunta Directiva e a actuará conforme a criterios de eficiencia e profesionalidade. Baixo a súa dependencia xerárquica ordéase o persoal, sendo responsable da organización do traballo.

Ademais será o equipo encargado do desenvolvemento técnico de todos os servizos e actividades da Asociación, baixo a direccion e control da xerencia, sempre coa adecuación destes aos fins asociativos e do impulso, en xeral, da asociación.

A Comisión de Sustentabilidade e Economía Circular da Agrupación industrial Alimentaria de Galicia é un órgano interno de carácter informativo e consultivo que se crea para impulsar a sustentabilidade ambiental e a economía circular, tal e como se recolle o eixo dous do plan estratéxico actual.

A esta Comisión correspóndenlle as seguintes funcións:

• Organizar actividades de información e formación para os socios de Clusaga en todas aquelas cuestións relacionadas coa sustentabilidade ambiental e a economía circular.

• Apoiar a posta en marcha de proxectos colaborativos destinados a mellorar a sustentabilidade ambiental e a adaptación a unha economía circular.

• Divulgar boas prácticas dos socios da Agrupación industrial nestas áreas.

A Comisión de Mercados e Internacionalización é un órgano de goberno que se encarga de establecer as prioridades do Clúster Alimentario de Galicia no ámbito da comercialización.

A comisión ten por obxecto aprobar os plans de actuación relacionados cos mercados e a internacionalización, así como analizar as tendencias do entorno e asesorar sobre a estratexia de actuación e áreas prioritarias.

Ao mesmo tempo é responsable de:

• Supervisar, dirixir e definir as prioridades dos grupos de traballo que se establezan.
• Organizar actividades de información e networking para os socios de Clusaga sobre temas relacionados co marketing.
• Apoiar a implementación de proxectos colaborativos destinados a facilitar o acceso aos mercados.

A Comisión de Innovación e I+D do Clúster Alimentario de Galicia é un órgano interno de carácter informativo e consultivo que nace para impulsar, dinamizar e coordinar iniciativas e proxectos en beneficio da innovación colaborativa no sector alimentario galego.

Esta Comisión ten as seguintes funcións:

• Asentar dinámicas de traballo que promovan e faciliten a implicación de novos axentes do ecosistema nas actividades de innovación
• Asegurar o correcto funcionamento dos grupos de traballo de innovación dispoñibles no Clúster Alimentario de Galicia
• Canalizar ideas para proxectos colaborativos de I+D e innovación
• Promover e participar en actividades que dean visibilidade ao Clusaga, á actividade da Comisión de Innovación, e ao sector alimentario galego
• Actuar como elemento representativo do Clusaga (polo tanto, do sector alimentario) ante as administracións con competencias en innovación, de forma coordinada con Xerencia e Xunta Directiva

En Clusaga entendemos que o motor da nosa industria son as persoas. Esta Comisión nace para asegurar que o sector alimentario galego sexa un lugar onde o talento poida crecer, innovar e atopar oportunidades reais de futuro. As nosas prioridades son:

• Impulso á inserción laboral: Conectamos a profesionais preparados coas empresas que buscan talento, facilitando o acceso ao emprego de calidade en toda a cadea de valor.

• Capacitación técnica e humana: Promovemos a aprendizaxe das novas ferramentas dixitais e habilidades necesarias para que ninguén quede atrás na modernización do sector.

• Atracción de talento mozo: Traballamos para que o sector alimentario sexa unha opción profesional atractiva, moderna e con propósito para as novas xeracións.

• Benestar e Futuro: Apoiaremos a evolución dos equipos de traballo cara a contornas máis eficientes e sostibles, garantindo o relevo xeracional nas nosas pemes.